Le Petit Journal - L'hebdo local de l'Aude
Sus las traças d’en Pierròt…
Aqueste dimenge 14 d’agost, a 6 oras del vèspre, dins la sala de las fèstas de Redoma, se projectarà pel primièr còp lo documentarisus las traças d’en Pierròt,realizat per Patric La Vau e consacrat al contaire Pèire Pous desaparegut vaquí un an. Aqueste film deuriá èsser presentat aquesta tardor a Carcassona e Limós : vos tendrem, de segur, al fial.
Un contaire de tria
Nascut a Redoma, dins la val nauta d’aude, Pierre Pous dit En Pierròt (19292021) èra un contaire famós del País de Sault. Aguèt l’escasença de conéisser sos dos pepins que li transmetèron un grand nombre de contes e d’istòrias que contunhèt el tanben a contar.
Mainatge de santat freula,capitèt pasde créisser, En Pierròt visquèc duscas a 92 ans gràcias als bons suènhs de tota sa familha.
Fòrt aflaquit pel grand atge, non foguetpas possible de’l filmar e defuntètlodarrièr jorn del tornatge.
Alara, lo film de 55 minutas nos convida a la descobèrta d’en Pierròt mercé a de nombrosas fotografias e d’extraits de sos contes e, mai que mai, mercé al testimoniatge de qualques pròches, que lo conesquèron plan e que nos parlan del fraire, de l’amic, de l’òme e del contaire que foguèt.
A la descobèrta d’occitania e dels Occitans
Dempuèi dètz ans, Patric
La Vau n’es a dos dotzenats de realizacion de documentaris que son autant d’agaches sus la vida occitana, mai que mai culturala mas tanben païsana.
Entre sas realizacions : un film sus l’escòla Occitana d’estiufaire viure la lenga(2022), Eric Fraj, 50 ans de cançons(2022), lo retrach d’un contaire de las Lanas : Miquèu Baris, suus camins deu conde (2022),Michèu Chapduèlh, una pensada sauvatja(2018), François Moncla, passaire d’umanitat(2021), un film sus la Calandreta de Pessac : L’escòla en occitan (2020), la descobèrtade l’occitan amblenga d’amor (2013), …
« Per refús de l’uniformizacion linguistica, filmi en occitan, lengaconsiderada en perilhper l’unesco », ditz lo Patric La Vau.
ne saber mai : lavaupatric.com/