Le Petit Journal - L'hebdo local de l'Aude
A la cosina, val mai…
Pour la cuisine, voici des conseils avisés d’une très grande utilité. Mais, à notre avis, il vaut mieux ne pas les suivre à la lettre !
Val mai l’alh dels orses que lo caissal del lop.val mai asinat qu’ase de picas. Val mai manjar un aucèl que coma un aucèl. Val mai baklava qu’un bac per lavar. Val mai manjar biò qu’a biti. Val mai un bistèc qu’un sol estèc. Val mai bordalesa que Marselhesa. Val mai beure un Bòria de Maurèl que de rescontrar un amòrri de borrèl. Val mai manjar cabecon que cavèca. Val mai carpaccio que carpan. Val mai manjar castanhas que d’aver la caganha. Val mai caulet farcit que chouchen. Val mai costèla que regardèlas. Val mai crostet que crostilhetas. Val mai Total Farçum que Total Festum. Val mai freginat que fregeluc. Val mai lapin dins la sieta que lèbre que corrís. Val mai lauseta sens cap que tiron sens cuèissa. Val mai beure Madiran que dançar madison. Val mai manjar magret que vaca magra. Val mai marc de Lengadòc que marc de cafè per legir l’avenir. Val mai matafam que copatalent. Val mai mechoui que mecho-non ! Val mai megacarpa que metacarpa. Val mai milhàs que pòp-còrn. Val mai mojito que mosquito. Val mai utilizar òli de virasolelh qu’òli de virapluèja. Val mai Or-kina que cloroquina.val mai paprica qu’arnica. Val mai pastagàs que Pataugas. Val mai pelardon que cap de lardons. Val mai perdigal dins la sieta qu’auca que vòla. Val mai manjar pescajons qu’anar a la pesca a Jonquièras. Val mai pitança que peniténcia. Val mai plancha que postam. Val mai un poèma rimat qu’un plat rumat. Val mai potina que Potina. Val mai ratafià que ratapenada. Val mai ris basmati que ris asmatic. Val mai doblidar la casqueta que la saqueta. Val mai trempar la sopa que la camisa. Val mai beure que dançar un tangò. Val mai tarta que jamai. Val mai una topina qu’una grasilha per faire la sopa. Val mai trufas de chocolat que bòlas de picolat. Val mai un uòu mimòsa qu’un uòu miosotís. Val mai una virada a l’estanquet que la virada del Cèrç.