Le Petit Journal - L'hebdo local de l'Aude

Lo saut de la piuse

- Ò. C.

« Per santa Lucia, los jorns fan un saut de piuse » ditz lo provèrbi. La santa Lucia se festeja lo 13 de decembre : vertat que lo solelh se colca mai tard a comptar d’aquela data, mas la durada del jorn contunha de se demesir fins al solstici vist que lo solelh se lèva de mai en mai tard fins a l’epifania.

Lucia es la santa patrona de Siracusa (Sicilia) ont nasquèt. Sa fèsta es un eveniment bèl en Escandinav­ia e mai particular­ament en Suèda amb passa-carrièras de femnas darrèr una Lucia portaira d’una corona de candèlas.dins unas contradas d’italia, es ela qu’ofrís los presents als mainatges braves e de carbon als missants. Los mainatges li balhan quicòm a manjar a ela e a son ase que vòla per portar los presents ! Mèfi, cal pas gaitar la santa qu’escampariá cendres pels uèlhs !

De la lutz

En occitan, se ditz tanplan la lutz coma lo lutz. La lutz, aquò’s lo lum, la clartat

Faire lutz : esclairar. En Lemosin, se ditz a l’òrbalutz pel moment del solelhcolc.

Las castanhas lusentas son una varietat que se trapa en Lemosin. Pels uèlhs, se pòt dire los lusents. Lo babau-lusent s’esclaira lo camin. La luseta es una luciòla ; los enfants li dison : Luseta, polideta, prèsta-me ton lum .

Unes provèrbis : lusent coma un miralh ; es pas d’aur tot çò que lusís ; çò que lusís tròp, pauc dura ; onte lo solelh lusís, la luna a res a faire.

Lo vèrbe lusir a per sinonimes : brilhar, lampejar, lusernar, lugrejar, trelusir. Lusís pro : aquò brilha Los uèlhs del lop lusisson. Tot lusís dins aquel ostal : es tengut pròpre. Òm pòt faire lusir la pèça : prometre de moneda. Siás pas lusent : te trapas en marrida situacion o siás pas en fòrma

Amb lo vèrbe lusernar, avèm las formulas pel 2 de febrièr : Quand la Candelosa lusèrna, quaranta jorns après ivèrna o Quand Nòstra-dama lusèrna, 40 jorns ivèrna.

Lutz en camin

Tal es lo titol d’un espectacle

cantat e musical sus la poesia occitana de fa mila ans a uèi, un recital que

serà balhat lo dimècres 20 (18h30) a Na Loba-puègnautiè­r.

 ?? - Crédits : ?? Fèsta de Santa-lucia en Suèda
- Crédits : Fèsta de Santa-lucia en Suèda
 ?? ?? .
- Crédits : .
. - Crédits : .

Newspapers in French

Newspapers from France