Le Petit Journal - L'hebdo local de l'Aude

L’an novèl serà bèl !

-

Per la primièra cronica de l’an novèl, l’escriveire se carcanha pas d’oras e d’oras a ensajar de trapar un subjècte. Non : l’an comença per l’expression dels vòts (se siás un pauc fenhant, te pòdes reportar al papièr de l’an d’abans e auràs mai o mens las meteissas causas de dire !).

Alara, vos desiri a totas e totes, femnas e òmes, joves e vièlhs, nenets e papetas e mametas, vesinas e vesins, umanas e umans, animals, florals e minerals… una bona annada plan granada, amb la santat, la prosperita­t e lo freginat.

Se pòt esperar que la colomba de la patz fague distribuci­on de rams d’oliu sus totes los endreits en conflicte, que las eleccions aicí o endacòm mai arrèsten de virar cap a las dreitas extrèmas, que la generosita­t e la conviviali­tat l’empòrten suls replegamen­ts e l’embarramen­t sus se, que las doberturas siaguen mai fòrtas que las tampaduras.

Es de bon ton dins la premsa de demandar a un astrològ o una tiraira de cartas (bancàrias, se ne vira) sas prediccion­s per l’an. Alara, vos balhi a tustas e a bustas las anóncias pels temps a venir que vegèri al fons d’un veiron (o dos, o tres,…) d’aigardent de prunas e sens bòla de cristal :

Los trofèus del XIII demoraràn dins Aude. Los Dragons remportarà­n la Superliga. Lo RCN e L’USC traparàn arguments règlamenta­ris per jogar 5 o 6 còps lo derbi. Probable que Mbappé signarà a Rodés. Febrièr serà de 29 jorns. Se metrà un chut a la flaüta del president Trompeta. Una rota ciclabla juntarà Tolosa e Castras. Aurem d’espargues per las meletas del temps pascal e de cerièras per Pentacosta. A Fontièrs de Cabardés, se faràn partidas de croquet sus la plaça al fons de la còsta. Los Jòcs Olimpics se debanaràn a París. Valdrà mai un esventalh que la CÒP-28 contra lo rescalfame­nt climatic.

Per las eleccions europèas, caldrà plan votar per Euròpa. En novembre, beurem de vin novèl a Vilardonèl.

E qu’aqueste an, siaguessèt­z totas e totes preses d’una talent d’occitan : rescontres, lecturas, espectacle­s, balètis...

 ?? : ?? .
- Crédits
: . - Crédits

Newspapers in French

Newspapers from France