Le Petit Journal - L'hebdo local de l'Aude

De la cargolada !

-

Per plan de recèpta, caduna considèra de n’èsser lo proprietar­i e que los vesins ne fan qu’una missanta copia. Atal ne va de la cargolada : catalana o lengadocia­na ? Qu’impòrte : s’agís de se regalar.

Aquí una recèpta que se trapa dins un libròt del PNR de Corbièras-fenolhedés :

« La pluèja es tombada ; sèm sortits amassar cagaròts, los avèm fait junar e vaquí vengut lor jorn de glòria : la cargolada tala que se preparèt a un Banquet del Libre de La Grassa. Vos caldrà una bona ora de preparacio­n e un quart d’ora a vint minutas de coseson.

A 250 a 300 cagaròts, ajustaretz mièg-litre d’òli d’oliva vèrge, 2 mijòls, sal de cardona (una sal mesclada amb pebrina roja e pebre), 1 o 2 caps d’alh, una liura de lard a fondre.

D’en primièr, netejatz los cagaròts dins una mescla de sal e de vinagre per tirar tota la bava, puèi refrescatz plan coma cal a granda aiga. Gratussatz amb un cotèl per tirar totas traças suls clèsques. Preparatz la brasa de gavèls en quantitat (la carinhana es bona per aquò). Preparatz un alhòli plan fòrt d’espandir sus una lescas bèlas de pan fresc.

Ven lo moment importanti­ssime de la coseson sus unas grasilhas rectangula­ras o redondas plan trelissada­s. Salatz los cagaròts amb la sal de cardona. Pausatz-los sus la grasilha, plan rengats l’un còsta l’autre, la dobertura de la clèsca virada cap al cèl. Botatz la

grasilha sus la brasa ardenta ; quand los cagaròts « cantan » fòrt, flambuscat­z-los un per un amb de lard mercé a un flambador (pichon embut al cap d’una tija de fèrre) rogit pel fuòc « Aquesta pluèja petonejant­a va noirir la carn del cagaròt »

Tiratz la grasilha del fuòc. Cadun amb sa pica e sa lesca d’alhòli se servís dirèctamen­t sus la grasilha.

De costuma, la cargolada s’acompanha de salsissa plan enrotlada, de botifarras e de costelons grasilhats. L’alhòli es un companh indispensa­ble de la cargolada. »

La tradicion vòl que s’utilize una espina de cacièr per agantar lo gasteropòd­e. Lo bon vin e las paraulas acompanhan plan la cargolada.

 ?? - Crédits ?? Una tropelada de cagaròts : pedelhez.fr
- Crédits Una tropelada de cagaròts : pedelhez.fr
 ?? ?? .
.

Newspapers in French

Newspapers from France