Festenals occitans

Los rendètz-vos culturals, artistics e festius occitans son nombroses. Aqueste còp, ne’n vos presentarem dos.

Mai que mai

Lo festenal Mai que mai se ten dins lo nòrd d’erau del 6 al 12 de mai (Entresenhas : https://pascaletheron.wixsite.com/maiquemai/). Ne vaquí lo programa :

- diluns 6, a Colombièras d’òrb : estagis de fabricacion de lantèrnas en vim e en papièr

- dimars 7, a Olargas : sopa (19h30), balèti amb Le P’tit bal sauvage (21h), passejada als flambèls amb Carabena, La joyeuse gravité (22h30)

- dimècres 8 (Bedarius) : balèti de las familhas (16h30), film La Pointecourte (18h), Balèti amb 3 pas d’ici, Carabena e P’tit bal sauvage

- dijòus 9, a Colombièras : passejada-espectacle Una tasta d’endacòm mai (9h) ; a St-vincenç d’olargas : concèrt del parelh Maradraq (18h30), balèti de la Luna amb Les griottes (21h)

- divendres 10, a Colombièras : jornada de l’aubòi (a partir de 10h30), passejada Los babaus (14h), lectura L’aubòi de nèu (17h), entrevista Ràdio Lenga d’òc (18h), balèti amb

Duobois e Hautbois & Cie.

- dissabte 11 : passejada Colombièras a l’edat mejana (10h), talhièrs de dança (14h30), teatre A l’ors ! (16h), balèti de las familhas (17h), venda a l‘enquant teatralizada (18h), Dançar la nuèit (21h).

Trad’enveja

Dins Gèrs, del 8 al 11 de mai, pel 26en còp, serà la granda fèsta del rondèu amb lo festenal Trad’enveja (Trad’envie ; programa detalhat : http://www.tradenvie.fr/)

Començarà lo dimècres 8 amb Fülü, una taulejada gascona e gastronomica, un concèrt Buf e Votz de Guilhem Lopez e un balèti amb Diatacello (rescontre del violoncèla e de l’acordeon diatonic). Dijòus 9, poiretz escotar o dançar amb Pavie Jazz Combo, Dilun, De Zik et d’òc, Fülü, lo triò Atlantic, Trencadit, La Rodeuse e Bodegam’bal.

Seguiretz divendres 10 amb Licotissa, Cam & Léo, Imnari, Lo’jo e lo quartet Frères de Sac.

Lo festenal se clavarà dissabte 11 amb Marc et ses coussins, Orlès, Albada, Hidra, Illa, Plume e la prestacion de KKC Orchestra amb CPC. Res que de polit monde !