Le Petit Journal - L'hebdo local de l'Aveyron
Chantal Demarest : « Las jornadas del patrimòni »
Une fois de plus, les Journées européennes du patrimoine ont fait déplacer du monde, aidées par le beau temps de cette fin d’été. « Mais qui en profite réellement ? », interroge l’occitaniste Chantal Demarest. Voici sa réflexion :
Aquestas jornadas se fan, cada annada, la tresena dimenjada del mes de setembre. Las devèm a Jack Lang, ancian ministre de la cultura. Dins França tota, agradan plan a un fum de monde que pòdon, aital, veire des causas conegudas, de segur, mas tamben autras que son pas de veire que per aquesta escasença.
De mostras, o taulièrs son propausats al monde, de tant mai qu’aquesta annada, l’artisanat èra onorat. Es aital qu’un guidaire nos pòt far descobrir de causas qu’aviam pas jamai vistas, quitament dins un luòc familièr o se cresiam las coneisser : un veiral de la gleisa balhat per un rèire grand, o que sabiam pas la rason d’una legenda pel vilatge, o qu’un òme que demora dins un ostal vesin foguèt un eròi de la guèrra.
Las vilas nòstras, los vilatges nòstres son comols de causas polidas, estranhas o marridas, de còps, que nos pòdon remembrar lor vida passada, coma libres de pèiras. I a pas que los castèls o las gleisas romanas que son polits o interessants. Sufís d’èsser curiós e d’aver un agach actiu. Es la memòria de las pèiras que nos conta lor istòria. Escotam las. De segur, podèm viure costat de causas meravilosas sens o saber, sens las veire vertadièrament. Sèm astrucs, aicí en Aveiron, avèm sabut conservar lo nòstre patrimòni, mas alara, cal saber l’agachar per lo presar.