Le Petit Journal - L'hebdo local de l'Aveyron
Renaud Falissard : «Sonotèca ! Qué diable es aquò ?
À Espeyrac, Renaud Falissard, après avoir observé un pylône téléphonique écrasé par un arbre, conçut l’idée d’un sonophone, qui allait être matérialisé par le Conseil départemental en recherche d’objets insolites sur le chemin de Compostelle…
Avètz ja ausit, per las pradas, la votz dels pastres, retrornir per las valadas nòstras ? Alara, arrapatz a la cima del vilatge. Prenètz, a revira borra, lo camin d’a Compostèla, car a nòstra regretada Simòna Anglada. Vos menarà a ‘na planca que salta lo riiu de la Daza d’a Falguièiras.
A–n-aquela Planca, arrestatz-vos ! Un aplech misteriós ( revèrta una pilona de telefòn) pausat sul la parabanda vos susprendrà. Viratz lo menalh, ô susprese ! Escotatz !
Auretz lèser d’ausir, de polidas cançons que, duèi, s’entendon pus. Pr’aquò an regaudidas un modòl de generacions et nòstres reires. Fan totjorn la jòia de los qu’aiman nòstras tradicions. Doncas, lo 9 de septembre, un passa-carrièira musical e una velhada se debanèron dins lo vilatge. A massa, totes los estatjants desfilèron, accompanhats d’un fais d’amics.
A la sala de las fèstas, un vin d’onor atracèt la populacion. Lo Conse, dins sa discutida, aculhiguèt aquela iniciativa novèla, ambe grand plaser. Los especialistas balhèron quauquas explicacions. Confirmèron qu’aquela idèia de plantat un fonograf es estada decidida per Espeirac. Èra mai de 19 oras, un cortègi, menats pels Castelons d’a Senèrgas, caminèt vas l’endrech ont èra quilhada aquela curiositat.
Estonament ! Degun s’atendiá pas a veire un tub longarut, pausat planièr, semblant un pilona metalic de telefòn provesit d’una caisseta ont, son enregistradas de cançonetas en… lenga nòstra.
Per persègre la serada, sus la placeta e dins la cort de l’ostal d’Aurièiras, los Castelons animèron al son de lors instruments aquela sortida musicala. E se cantèt, tota la nuèch, jol cèl estelat de nòstra meravelhosa valada.