Le Petit Journal - L'hebdo local de l'Aveyron
Renaud Falissard : « Sarra la cencha e… cala-te ! »
Le manque de vision globale de nos dirigeants face à la crise énergétique entraîne un niveau d’inflation élevé qui affaiblit le pouvoir d’achat des Français. «Parlons-on !» s’exclame Renaud Falissard :
« Òc, los govèrns nos constrénhon a baissar lo caufatge quand farà frech. Pus d’aiga dins los barratges, plòu pus. Centralas atomicas barradas, an besonh de se far una santat ! Centralas termicas deboseladas. Perqué las avure levadas ? Caliá esperar que d’energias novèlas siagan metudas en plaça ! Nòstra França es plena de bòsces ont, butas d’aubres gigants. N’i a qu’an las brancas que secas puèi, tomban. Dins las forèsts, ne’n manquèm pas, poirisson, i a pas degun per los copar e per amassar la lenha ? Per aquel trabalh i a pas besonh d’avure un fais de diplòme. Qual que siá pòt atrapar la torre per ressar e l’acha per estelar. Sufís que dins las mans i aja pas un pauc de borra !
E… nos plangèm que i a belcòp de caumatge ? Los esportius qu’aiman de se destriar trobarián aquí de qué s’entraïnar e de venir dels campions ! Paguèm lo petròl, lo gas a s’un prètz que despassa la mesura. D’unses an talament talent que lo veson córrer, tiran la coeta a la fin del mes se aquò’s pas cada jorn ! L’Estat a pas jamai prosses sòusses ! Sap pas que votar de taussas per tal de tampar los traucs de sas caissas. Pas besonh d’anar dins las grandas escòlas per pas saupre comptar. Qual sap se, a lor ostal, los que nos mestrejan mancan de companatge ? A dich de nos cachar e de nos curar lo pòrta-moneda, un jorn vendrà, escaparán pas al mal pas e serán damnats !
Sabon pas que nos pompar per emplir aquelas caissas que fugisson coma un curbèl. Seriái mai que ora que trobèssan un petaOEçaire. Aquí, vèni me quèrre ! Es coma se cercavem una agulha dins una mota de fen ? Quora pensaràn al pòble e se, un jorn, soscaràn e veiràn clar ? Ailàs, es pas per deman ! Per que deman es pas jamai rique !»