Le Petit Journal - L'hebdo local de l'Aveyron
« Lo Saber susnatural, qu’es aquò ? »
Pour le Parlement européen, l’intelligence artificielle (ou IA) représente tout outil utilisé par une machine afin de « reproduire des comportements liés aux humains, tels que le raisonnement, la planification et la créativité ». Au-delà de cette définition liminaire, d’aucuns s’interrogent. C’est le cas de l’occitaniste Renaud Falissard. Depuis son joli village d’Espeyrac, Nono pose en effet la question : « Qu’attendez-vous de l’intelligence artificielle ? »
« Lo Saber susnatural se’n parla cada jorn del matin al ser. Podètz pas durbir lo pòste o la telé sans ausir los comentators ne’n parlar. Per iu, aquela invencion artificiala robotisada, me fa páur ! Un masc qu’a un cap coma una ola e ne sap mai que vos e, a responsa a tot…
A pas la pepida, vo’n sòrt quauquas unas que ne tombatz de quiol ? Qual sap de qu’an darrièr la crusca lo o los qu’an enventat aquel fachilièr !
França ven de crear son laboratòri del Saber susnatural. Aquí s’atraçan totes los especialistes de la recèrca. Aqueles sabents an un pauc, los caissals asugats, dison que vòlon assajar de càmbiar lo monde !
Vese pas en qué podèm càmbiar ? Sèm pas dels ases, benlèu tròban que sèm pas pro assabentats ! Pr’aquò avèm lo cap confle coma una barrica qu’es prèsta a s’espetar ! N’i a d’unses qu’an d’idèias afiroladas per l’utlizar e se’n servir. Aurem pas qu’a nos jaire e a los espiar far ?
Perqué anar a l’escòla a s’arrancar la borra per estudiar e se far tustar sus dets ! Perqué passar lo permís de menar, alara que l’òme de fèrri se’n cargarà e vos carrejarà ! Perqué los païsans anarián susar sus tractors a la raja del solelh ! Perqué los caçaires farián pas lo prangièiron que robòt lor portarà la sauvagina dins la biaça, s’aquò’s pas dins l’escudèla ! Eca. Aital, s’arrestarán grèvas, arrèsts per malautiá e maissas misèrias que nos tomban desssús…
Fa qu’aquela farralha enfachinada remplaçarà los umans e/o las bèstias pel trabalh. D’aquel biais, serem lèu totes sul palhat, aurem pas res a gratar !
Seriá benlèu prudent de se mesfisar ! Me demande, se pòdon pus i donar cap, s’aquel aplech, un jorn, se revirarà pas contra sos mèstres. De segur, i aurà quauques coquinòts que li traficaràn lo cervèl. Per las ondas i te mandaràn dels virús per lo destracar. Seràn aquí coma des piòts ?… Lo podràn pus manejar ?
E, pecaire, calrà que tòrnan prene lo bigòs ? »
RenaudFalissard