Le Petit Journal - L'hebdo local de l'Aveyron
Gèli Combas : « Avètz dich èime olimpic ? »
Dans sa nouvelle chronique occitane, Gilles Combes ( Gèli Combas) nous fait part de sa réflexion sur l’agitation politico-médiatique autour des Jeux olympiques de Paris, cet été 2024. «Elle nous amène à nous interroger sur ce qu’est devenu cet événement – purement sportif à l’origine – et sur ce qu’il génère aujourd’hui de conséquences pour les populations riveraines des épreuves et au-delà pour tout le pays hôte. Comme les choses étaient plus simples et plus gaies dans l’album Astérix aux Jeux olympiques paru en 1968…»
« Quicòm me ditz qu’entre lo 26 de julhet e lo 11 d’agost presarem mai la tranquillitat de las ribas del lac de Paralop o los carrairons d’Aubrac que non pas l’agitacion parisenca a l’entorn dels Jòcs Olimpics. Al talh de las olimpiadas nos sèm bravament alunhats de l’èime d’origina volgut per Pierre de Coubertin.
Los Jòcs son venguts una maquina a far rajar lo mai possible d’argent. Lo prètz dels bilhets per assistir a las espròvas esportivas es tan naut que las plaças seràn reservadas a una elèit aisada. 980 euròs per la finala del 50 mètres nada liura ; 170 euròs per una simpla espròva de qualificacion d’atletisme e 525 euròs per una finala…
Òm a lèu comprés que lo pòble se deurà acontentar d’agachar çò que la television li volrà plan far véser, entrecopat de longas sequéncias de reclama ! Los que son de mai plànher son los parisencs : la bilheta de metrò passarà de 2,10 euròs a 4 euròs. Pas qu’aquò ! Qué volètz, cal ben mólzer lo pòrtamoneda dels 600 a 800000 viatjaires quotidians esperats !
Aquò’s pas res a costat de las constrenchas menadas per l’eveniment : tre lo 1èr de julhet se metràn en plaça las restriccions de circulacion e un infèrn anonciat pels ribairencs del trajècte de la ceremonia d’obertura per accedir cada jorn al seu ostal ; securitat obliga. Una ceremonia qu’es un vertadièr còpacap per las autoritats.
De las 600000 personas anonciadas esperadas a l’origina ne sèm ara gaireben a la mitat e la màger part serà compausada de personas convidadas causidas al det. Pas mens de 45000 membres de las fòrças de l’òrdre previstas per enquadrar la ceremonia.
La securitat es malaürosament, plan davant l’aspècte esportiu, l’enjòc màger d’aqueles Jòcs de París e la question que trèva las nuèches dels responsables politics e policièrs. Après los atemptats qu’endolèron nòstre país dempuèi 2015 e dins lo contèxt geopolitic dificil amb las guèrras en Ucraina e en Palestina, la crenta d’accions terroristas es al nivèl pus naut.
Los Jòcs son tanben pretèxt a « netejar » París cal amagar la misèria en mudant per qualques setmanas (o mai) d’unas populacions qu’embarrassan.
Poiriam atanben parlar del còst de las infrastructuras a bastir o a melhorar
per aculhir delegacions e jornalistas. Demest elas lo famós vilatge olimpic que revertarà tot levat un vilatge. S’agís pas de repotegar per repotegar mas ni mai ni mens de pausar qualques questions sus
l’anar de nòstre mond e sus çò qu’avèm fach de l’èime olimpic.
Veni de tornar fulhetar l’album AsterixalsJòcs olimpics paregut en 1968. Ja a l’epòca la pocion magica ajudava a ganhar de
medalhas ! Vos aconselhi de lo tornar legir ; vos tirarà mai d’un sorire mentre qu’amb los Jòcs de París aquò’s pas brica garantit ! »