Pels automobilistos trop pressats

Figuratz-vous qu’ambe lou fum d’automobilos que i a al joun d’aouèi, aquo’s coumo pertout : dins la carrièrogrando, i a un carrejadis del diaple. Sans parlar del sagan qu’aquo fa, cent cops per joun lous mainages risquon de se faire truquar per las autos que passon aqui al cent à l’ouro.

Quand veson arribar un automobilisto trop pressat, d’un cop de fioulèi i coumandon de s’arrestar e se presenton a el ambe lour pus gracious sourire.

« Adissiatz moussu ! Seriatz pla aimaple de sarrar vostre carri en foro de la route. Atal ! Aro tampatz vostre moutur e adoubatz vostre sièti per vous installar del milhour que pouiretz

- Mès, quz se passo que vol dire aquo demando l’automobiliste . Perque tant de ceremounio per un berbal ?

-Un berbal ? Qual es que vous parlo de berbal, moussu .

-Praquo setz pla de gendarmos… aladounc que me vouletz ?

-Simplament vous faire remarquar que traversabetz un vilatge a cent a l’ouro.. Mès belèu abiatz lou pèd enganat dins las pedalos

-Aquo’s pla ço que disioi : m’anatz empegar un berbal !

-Encore un cop, nani moussu ! Sèm pas aqui per vous faire de misèros. Al countrari. Tenetz ! Anatz prene aquel superbe cigare que vous oufris la municipalitad en vous pregant de lou fumar a la santat de sous administrats.

-Eh be per etzemple p vous remerci pla.E al plaser de tournar passar dins un païs ount lou mounde soun tant coumplasents.

-Nanni, moussu ! Anatz pas partir tant biste. Aquel cigare nous faretz plaser en lou fumant aqui, en demourant ambe nous-aus.

Mès aquo me va prene uno bravo mièjo-oure de tetar aquel barroul de cadièro ! E soui pressat d’arribar.

-E aquo’os vostre tord! Prenetz dounc tout lou temps que caldra per vous regalar , atal auretz leser de reflechir que servis a res d’èstre trop pressat. »

Eh Be ! Me creiretz se vouletz mès dempèi qu’aquo s’es sachut , sèm pas mai issourdats per las automobilos. A creser que lous automobilistos an pas goust a foumar lou cigare.

Toujours des excuses