Quoura ou Counte de Souvigny ha stracoulà ra couala de Tenda en 

« … Me fa pieijhé de fà ra narracian dou men retorn ent’ ou Pimount dame ou coumissari e ou tresourìe que s’en eran ‘n anache dame mi, e d’un’aventura que m’es acapitàia ent’ ou Coal de Tenda. Aishì, su stach menà à ra cima dou Coal, puhi su anach ent’ una « ramassa » (soarta de carrou, menà da un ome, e que sierve pèr sguilhà sus’e pèndite nevouse) ; u « ramassoù », que vourìan esse u primi, en cambi de seguità ou camen abituale, m’han fach passà pèr una « dressiera » ( que vouhe dì camen de straversa) douna r’aiga d’una foant s’era spantegàia e guiaçàia sus’a néu dame una stendùa de mila passe. Aquelu pelandroù, pensent que mi foussa perdù, se san desgajà da ramassa. Au miej-virou qu’ela ha fach quoura elu san partì, hai pilhà ou temp de ‘n anamen’en de foara, e, ent’a pèndita dou gourg, douna me semelhava d’anà aishi vitou qu’una balestra, me su tengù ferm sus’ e mìe rene, dame re squiape dou cu e re mìe mà, pèr empachà-me de picà da testa coantra ra guiaça. Quoura su arribà à ra fen e que me su trovà susa ra néu, hai gardeà de douna mi era vengù e douna pouvìa esse ra vila de Limone douna devìa anà, e coumençava d’encaminà-me d’aquelou coustà, scandalhent sempre dam’ a mìa spada pèr noun resegà de cascà ente quarque found pien da néu. Essent un poc gerà, me su acourjù qu’u me gante de cervou m’avìan ben siervì ma que n’avìan pa poushù empachà qu’ou men pougnet siegue pertusà fint’ à u oasse, autant ben que me squiape dou cu, e re mìe bràie toute sgarràie. N’avìa pa fach à r’envirou d’un miej-quart de lega qu’hai sentù de vouse que me sounavan.

Hai ben recounoushù aquele de

Mounsù Poyet, coumissari, e de Mounsù Perret, tresourìe, que, perqué noun m’avìan trovà à Limone, eran vengù à cercà-me dame tantu païsà que m’han pourtà fint’ à Limone, douna noun m’arrestava nan pèr aquestou achident … ».