Augsburger Allgemeine (Land Nord)
D’r Kloos kommt heit
Am Nikolaustag gibt es in vielen Familien die Einstimmung auf das Weihnachtsfest. Bei einigen kommt der Mann im Bischofsgewand sogar selbst vorbei, um den Kindern die Leviten zu lesen. Die Bobingerin Anni Gastl hat dazu ein Mundartgedicht mit dem Titel „D’r Kloos“verfasst:
Frisch eigschläft, brav am Ofabank, sitzen heit d’ Kender „Gott sei Dank“/ mucksmäuslestill jeds an seim Platz, d’r Hans, d’ Marei und o d’r Max.
Heit kommt d’r Kloos, desch it grad nett, für d’ Rosi, d’ Anni und da Sepp/ Heit send beim Schäffler alle zfrieda, am Klosatag herrscht ibrall Frieda.
D’ Buaba schpielend mit de Mädla, sie schtreitend it, deand it kragäla/ em Gegatoil, sie probend z senga, wend heit daem Kloos a Schtändle brenga.
„Wo isch d’r Papa denn, sag, Mama“, d’r Seppi heinet, macht a Zanna/ „warom isch der heit no it dahoi, losst seine Kender so alloi.“
Eatz herd ma scha a Glöckle klenga, dia Kender fangen a zom Senga/ d’ Muatter fiahrt dean Ma bei’r Haustier rei, an Bischof im Gwand, so goldrot und fei.
Dia Kloischt guggt so am Niklaus nauf, der hot vom Papa d’ Brilla auf/ des Mädele verschtoht des it, dass so a Brill grad nomol gibt.
Wia d’r Kloos kommt rei bei’r Schtubatür, sät d’ Muattr brav: „Willkommen hier“/ „Desch ja d’r Babba“, sagt d’ Marei, „mir dean dr nix – komm na glei rei.“