Kieler Nachrichten

Online-Gala för de Sieger

„Vertell doch mal“-Wettbewarb: Un allens weer anners as sünst

-

„Allens anners“– dat weer dat Motto vun den plattdüüts­chen Schrievwet­tbewarb „Vertell doch mal“. Jedeen Johr söcht de NDR de 25 besten Schrievers­lüüd. 1600 Geschichte­n sünd dorbi rutsuert. Un wieldatt düt Johr ok noch „allens anners“is vunwegen Corona, geev dat en virtuelle Gala ut dat Ohnsorg-Theoter in Hamborg. Mit Musik, Vertellen un en prominente Plattschna­ckerin: Ina Müller. Se is nämli Platt-Botschafte­rin un seet dat eerste Mol mit in’e Jury: „Wi hebbt dat as Zoom-Konferenz maakt. Mi hett dat so Spaaß maakt, datt wi so veele weern un wi enfach mol de ganze Tiet Platt schnacken deen“, freut sik de Musikerin. Bi en Geschicht müss se ganz dull „blarren“, hett se bi de Fier vertellt: „Aver mit de Geschicht kunnen de annern gor nix anfangen“, smuustert se, „nu is de Geschicht binn, wo ik an‘ Meisten lachen müss.“Tja un de hett denn ok glieks den tweeten Platz kregen: „De Överfall“. Schreven hett se Thorsten Franck ut Brunsbütte­l. Noch beter is dat för Gudrun Schultz-Pohlen ut Bordesholm lopen: Se hett to’n eersten Mol en Geschicht för den NDR-Schrievwet­tbewarb schreven un glieks den eersten Pries wunnen. Mit ehr sinnig Geschicht „Help“: „Handwerkli­ch äußerst geschickt – mit Überraschu­ngsmoment“, urdeelt de Jury. Christine Senkbeil ut Griepswald kriggt den 3. Pries mit ehr Vertellen „An de Grille üm Acht“. „Duppelt höllt beter“– de Schnack passt för Silke Arends ut Emden. Ehr Geschicht „Familienst­and mit negen Bookstaven“hett nich blots de Jury begeistert, nee, ok dat Online-Publikum weer Füer un Flamm. Dorför verdeent de Schrievers­fru den 4. Pries un bavento den Publikumsp­ries. Christine Glenewinke­l ut Bremen is ok to’n eersten Mol mit vun’e Par- tie. Se kann mit ehr Geschicht „Na Huus hen“den 5. Pries mit na Huus nehmen. Un denn is dor noch Caroline Winter. Mit twölf is se de jüngste Schrieveri­n. De Jury hett de Deern den Ü-18-Pries todacht för ehr Vertellen över de Corona-Hotspots. De Gala mit veel Musik un alle Sieger-Geschichte­n kann en sik online op de NDRSiet ankieken un anhöörn. De 25 besten Geschichte­n staht so as jedeen Johr in dat Book „Allens anners“ut’n Husum-Verlag binn.

 ?? FOTO: NDR/SONY MUSIC/SANDRA LUDEWIG ?? Ina Müller - se is de Plattdüüts­ch-Botschafte­rin un hett ok op de Gala sungen un leest.
FOTO: NDR/SONY MUSIC/SANDRA LUDEWIG Ina Müller - se is de Plattdüüts­ch-Botschafte­rin un hett ok op de Gala sungen un leest.

Newspapers in German

Newspapers from Germany