Vääl Klöörn lacht us tomööt

1784stund de Gorner Carl Ferdinand Bosse bi den Herzog Peter Friedrich Ludwig as Hofgorner in Deenst. Bosse harr bi den groten, englischen Gorner Lancelot Brown lehrt, de gullt at een Goornkünstler.

Rosenbööm hören dotiet to een besünner Goornanlaag mit to. In den Raaster Slossgoorn jüst so Rosenbööm plant, weern de ersten in Nord-/Westdüütschland. Mitdes sind de al ’n Ennen över 200 Johr old, wat staaksch nu, doch in Mai/Juni Maand lacht us rot/vigelette Bleuten tomööt, Johr um Johr.

Hütigendaags kennt man hier in us Gegend an de 2000 Sorten. So in Rostrup bi de Lehr- un Versuchsanstalt van de Landwirtschaftskamer Neddersassen, de „Keimzelle“von dem „Park der Gärten“. Hier een umfangrieke Rhododendron-Sammlung in Freelandkultur. Poor anner grote Boomscholen in ’t Ammerland köönt jüst so grote besünner Sammlungen vörwiesen.

De Wildsorten van eens ümmer wieter tücht un verbetert. So ok Sorten, de wat ruget Weer afköönt. Bi de enkelten Namen ward een rein wat nadenkern bi. Humboldt, wiss de grote Naturforscher mit meent. De Blöden laat lila/rosa mit een scharpet Oog, Rotkäppchen mit een rote Huuv, Queen Mary, Lili Marleen, rosa Wolke. Jede Naam seggt wat van sik. Een Sort mit een groten wat witt glinstern Bleutenkopp, ehr Naam Mont Blanc. Berliner Liebe, Füürwark un all de annern Sorten de jüst so besünner Namen, meistens de Namen van de Dööppaten dräägt.

Robuste Sorten för lüttjere Goorns sind de Yakusimaplanten, ehr Grötte 1 – 1,20 m. Se wiest sik in een kuppige Form, de välen Bleuten jüst so. De Wildsorten kaamt van dat Hochgebirge Yakushima. Düsse Planten mit Rhododendronhybriden krüüzt. Sind robuste Planten, ok de Frost sett ehr nich so to. De pelzige Belag up Blöö un de jungen Uttriebe glickt dat Verdunsten so up natürlich Oort ut.

De Naam Rhododendron kummt ut dat Griechische: Rhodo – Rose, Dendron – Baum = Rosenbaum.

Is egens schah, dat de düütsche Naam över all de Johrn sien moien Anklang verloren hett.