Mit de Troer nich alleen ween
Wenn een geleevden Minsch van us geiht, is dat för de utwussen Achterblevenen al meistieds stur genog, dormit torecht to kaamen. Dor sind nich wenige, de doran vertwievelt. De Verlust kaamt jümmers to froh, jümmers to plötzlich un man hett dor nie nich mit reekt.
Aver, wo mag dat denn eerst Kinner un Junglüe stur fallen, wenn Oma, Opa of sogar een van de Öllern oder Geschwister doot blifft un nich mehr woller kaamt? De Utwussenen hebbt denn al vääl mit sick sülben to doon. Dat is ok klaar. Faken mööt de Kinner denn alleen mit ehr Trooer fardig weern.
Stütt un Stöön find man denn bi „TrostReich“e.V. De Ollnborger Vereen is een Anloopstäe för trooernde Kinner und Junglüe. In de kommodigen und fründlichen Rüüme ward dorbi allens annere as troorige Stimmung wiest. Verscheden Rüüme mit vääl Farv, vääle Speele, Stäen, wo man sich in de Mööt kamen kann avers ok Ecken, wo man sich trüchtrecken kann, wenn man alleen wäsen will, find man bi „TrostReich“e.V.
Un dat speegelt ok de vääklöörige Arbeit van de Vereen woller.
Marion Raetz, bi „TrostReich“Vertretersche van de Köppel „Öffentlichkeitsarbeit“, verklart dat Konzept van den Vereen so:
„De Tied mit Kinnern un Jungelue is Hartenstied. De Tied, wo wi besünners vör eenanner dor sind up de ünnerschedlichsten Arten. Kinner und Junglüe, de een geleevden Minschen verlorren hebbt, wüllt wi dat Geföhl geven, dat se mit ehr Fragen, Ängsten un Problems willkamen sind un nich alleen.“
All tohope sind bi „TrostReich“an de 40 ehrenamtlich Mitmakers in den Vereen. Van de Kinnerkrankenschwester in Ruhestand bit hen to de Bankangestellte, de sick in de Kreativ-Köppel engagiert, find sick bi „TrostReich“de ünnerscheedlichsten Minschen.
Utbilte Pädagogen arbeit mit de Kinner un Junglüe in Projekten, Köppels un ok alleen de Trooer up un versöökt so, gegen de Ängste un Sorgen na den Verlust van een geleevden Minschen an to arbeiten.
Martina Wulf is leitende Pädagogin bi „TrostReich“und beschrifft ehr Arbeit so:
„Dat geiht toeerst darum, Kinnern un Junglüe Ruum to gäben, dat se eenfach so ween köönt, as se dat nu mal in ehr Trooer sind. Dissen Ruum find se bi „TrostReich“. Wichtig is, dat dat ok allens hier in den Rüüme blifft. Ok de Öllern kriegt nich mit, wo sick de Kinners hier verhoolt. Blots wenn een Kind näben de Troer Symptome wiest, de op een Trauma henwiest, informeert wi de Öllern.“
Aver ok för „TrostReich“ weer in dit Jahr allens anners. Corona hett hier de Arbeit oder tominns de persönlichen Kontakte eerst mal unnerbrooken. Siet köörte Tied sind na een strenget Hygienekonzept tominns to‘n Deel woller Gruppenstünnen un dat persönlich Begägen möglich. För all een schwore Tied.
Martina Wulf: „Dat geev verschiedenen Phasen van den Lockdown. Wi harrn denn eerst mal de Öllern mehr in Blick, wiel de de meist Tied mit de Kinner tohoope weern. Van Bedüden is bi Kinner un Junglüe, dat se mit Lüe in eer Öller tosamen kaamt und snacken könnt. Dat weer in de Lockdown nich jümmer möglich.
Hulpen hebbt dor de sozialen Netzwerke un dat Telefon. Denn hebbt wi ok lüttje Paketen wegstüert mit Spääle oder Rituale, de wi anners in de enkelt Köppels maakt harrn. Siet Mai köönt nu ok woller lüttje Gruppen tosamen kamen. Jüst sind sogar in de Kinnerköppel twee Platzen free.“
De noch junge, eers 2017 grünnt Vereen, leist so ok in sture Tieden een wichtige un anerkennt Arbeit. Trooernde Kinner un Junglüe weerd nich mehr „vergäten“un hebbt een qualifiziert Anloopstääer. Öllern un de Annern ut de Familie ward mitnamen un tosaamen lehrt de Familien, mit de Troer umtogahn un so de Freid an’t Läven nicht to verlehrn. Dar is keen Richtig oder Verkehrt. Jedeen trooert op sien eegen Wies. Kinner faken ohn Wööer. Se drückt sick in Malen, Basteln, bi’t Späälen oder ok in Aggression ut.
„TrostReich“gifft trooernde Kinner un Jungelue un ok de Öllern dorför een schulig Ruum, wo se ok anner Minschen in de sülvige Laag dropen köönt.
De Uttuusch twüsken de trooernden Kinner un Junglüe is darbi besünners van Bedüden. Se fööhlt sick nich mehr alleen mit ehr Schicksal. Dat gegensietige Verstahn is een wichtiget Element för de Stark weern van de Selbstwahrnemung un Orientierung in een Trooerprozess.
TrostReich kann man finnen in’t Internet ünner www.Trostreich-OL.de oder an dat Baratungstelefon, jümmers Dingsdag twüsken Klock 10 un Klock 12 ünner 0157 77268056.