Kien Immen ahn Blomen

Ansprechpartner bei Fragen und Anregungen: Gaby Schneider-Schelling 0441/9988-2006

tDisse Lü arbeit’t mit: Erhard Brüchert (Oldenburg), Elfriede Coburger (Oldenburg), Detmar Dirks (Großenkneten), Dr. Claudia Freese, (Petersfehn), Rita Gnep (Oldenburg), Inge zur Horst (Ofenerfeld), Maike Sönksen (Oldenburg), Dirk Wieting (Ganderkesee) – all van’n Heimatbund „De Spieker“

Af un an kaam ik mit’n paar anner Froonslüe to’n Koffiedrinken tohop. Een van us mött Koffie un Koken praat hebben, de annern kaamt denn mit’n Rükelbusch ut den eegen Gaarn. Nu weer ik an Tour, harr allens trecht maakt un höör de Stimmen vör dat Huus, ehrder at dat pingelte. So maak ik de Döör apen un harr dat nu drock to doon mit „ Moin, moin“hier un dar, Jacken uphangen un de Blomen in’t Water to kriegen.

Een Struß weer so richtig bunt: rot, geel, hellig un ok ’n beten dunkel. Den stell ik meern up den Disch un all verwunnern sik: „Hest Du so veel verschillen Blomen in’n

Gaarn?“„Nee“, lach de Frünndin, „de heff ik biwegelangs an de Straat plückt. Dar weer so’n Flach mit all disse feinen Blomen.“Dar harr se aver wat seggt! „De sünd doch nich to’n Plücken, de sünd doch för de Immen un de Insekten! De word doch jümmer minner un Bienen gifft ok nich mehr veel. De könnt meist kien Nohr mehr finnen un ok kien Platz to’n Leven. Aver wi brukt jem doch. Se sorgt ja nich blots för usen Honig, se bestöwt ok Blomen un Planten. Schullen se mal heel un deel verswinnen, so kann us Natur ok nich wieter bestahn.“

Dat wurrd ganz ruhig an den Koffiedisch. Eerst as ik den Blomenstruß nehm un em buten henstellen dee, keem so na un na de Snackeree woller ingang.