Een heel besünnern Weg
De Grenzsymbole wiest dor up hen. Een Hellebarde un een Wagenrad, blaue Farben up witten Grund so – de Kennteken van den „Friesischen Heerweg“. Dit Henwiesschild an de breschen Pahlen timmert. Faste ole Eekenpahlen in de Grund rammt, af dor gellt friesischet Recht gegen dat Ammerland. Up Olnborger Flaag gellt de Naam „Heerstraat“.
Düsse friesischen Pahlen all um 1420 nöömt.
De Verloop: Van Wildeshusen na de Omersburg (Oldenburg) to, dor twillt sik de urole Völkerweg in twee Richtungen. Weg 1 na Wiefelstää – Bockhorn – Neenborg. Weg 2 na Westerstää – Neenborg. De beiden Wege koppelt sik, denn – Friedeborg – Reepsholt, Afsteker Schortens – Jever – Reepsholt – Leerhafe – Burhafe – Esens, Afsteker Aurich un Wittmund. De Nordseeküst is dicht bi. Rugen Wind weiht van de See her.
De Natur geev datiet de
Richt vor, nich de Minsch. So verleep de Heerweg, wenn jichtens mögelt, up den Geestrürgen langes. De Längde, mit Nebenwege, dör de enkelten Kuntreis tellt an de 400 km.
Wer keem hier nich all up langes, in all de Johrhunnerte, mit klobig Schuuvkoor, Handwagen or mit anner heel eenfach Fohrtüüg amenn ok is een Oort Kutsch mit nobel Lüe.
Faken Landsknechte – Pilger – Hannelslüe – Buurn – ok Bedellüe un Deve.
Stäenwies Sporen ut domaliger Tiet to finnen, Hügelgräber, urole Burgreste, hütigendaags de „Ortschaften“: Dringenburg – Neuenburg – Friedeburg – Omersburg (Oldenburg). De Burgen geben dotiet Schuul (Schutz), somit Sekerheit.
Hütigendaags, de „Frieschische Heerweg“een besünnern Weg to ’n Wannern, of to Foot or mit ’n Fahrrad, is ’n Ennen nagahn or naföhren. De olen Wiesteken geevt Hülp. Frischen Wind puust van de Nordsee her. De Himmel faken een hoge, witte Wulkenkuppel, mit de so verscheden Wulkenbilder strakelt över dat gröne Friesland.