Rheinische Post – Düsseldorf Stadt
Brasselei am Blech
Eejenslech wollt ech mech de janze Ambrahsch met de „Alle-johr-widder-plätzkes-backerei“dies Johr nimmieh aandonn. Doch dann hann ech mech doch widder vom Tradizzjohnsplätzkesbackebazillus aanstecke losse. Flöck dat Antikwietätche von Rezeppbook erusjekrost en däm de Omma selech pingelech propper opjeschreewe hät, wat se domols jedes Johr för kulinaresche Raritätches för de Famillich jebacke hät. Schad, dat de Omma mech dat Talent nit vererwt hät!
Nä, ech hann ehrlech zwei lenke Häng beem Backe. Wat e Jlöck för mech, dat sech mi Hezzblättche, dä Sven-döres, enzwesche so wiet emanzepeert hät, dat ehm kinne Zacke us de Kron fällt, öm us ons Kösch en Weihnachtsbäckerei zo make. Nohdäm hütt em TV janz vill Mannsbelder am Kochpott on am Backblech kwassele on brassele, well hä jetz och zeije, dat hä joldene Häng hät zom Knete, Usrolle, Ussteche on Afbacke. Dä Maestro hät dann am leewsde de Kösch janz för sech alleen, on ech als ärmselije Laie wöhd ehm bloß fies störe. Sojet loss ech mech natörlech nit zweimol sare.
Nohdäm ech minnem Liebche noch en janze Jallerie von leere Plätzkesdose parat jestellt hann, jonn ech e besske op de Kö flaneere on kick mech de Weihnachtsbeleuchtong aan. So kann mi Backjenie zohuus de Zimmetstähne met vill Fengerspetzejeföhl op dat Blech deue, ohne dat ech ehm dilettantesch dozwesche komm. Weeßde, wie herrlech dat es, wenn dech beem Widderkomme em Treppehuus dä Rüsch von Mandele on Zimmet am entjäje blose es? Et jeht doch nix öwer selws jebackene Plätzkes, söns kütt doch öwerhaups kin „Azzvänz“-stemmong em Huus op!