Rheinische Post – Düsseldorf Stadt
Aprel mäkt watte well
Wat wor dat för e herrlech Wocheäng am letzde Sonndaach! Sonnesching on Temperatürkes so öm de 20 Jrad eröm on janz Düsseldorf wor drusse op Jöck! Hummele em Hemp on nix wie erus us de Bud! Sommer wie ussem Belderbook hammer jehatt, nit kalendaresch äwer jeföhlt! Apropos Hummele em Hemp: Klömperkamps Schäng-pitter kunnt nit länger wahde on hät sojah am letzde Wocheäng en sinnem em Jahde de Jrillsäsong aanfange losse.
Doch mem jeföhlde Sommer wor et dann häsde-nit-jesenn vörbei. Wat de jeföhlde Temperature aanjeng, die woren op emol widder nix wie fies nass on usselech. Aprelwähder hammer nu och wie ussem Belderbook. Mol esset schön, mol widder fies, mol esset blau, mol widder jries. Kooz hammer e besske Sonnesching on dann trecke flöck widder düstere Räjewolke von de Neederlande bes hee nohm Rhing eraan.
Ene fies kalde Wing es öm de Eck am Blose. Wä jetz drusse erömlöpt, sollt sech wärm aantrecke. All die Lütt, so Fröhflöcke, die sech en de loftech-legere Sommerklamotte jeschmesse hannt, (mr hät sojah schonn näcke Fööß en de Sandalettches kicke könne) mösse jetz dat Kaschmirjäckske ussem Kleederkast von janz henge widder noh vöre eruskrose. Wä sech kinne Pips hole well, sollt sech vörsechtshalwer och noch ene Schal öm sinne sensibele Hals wiggele. Söns künnt mr sech jlatt noch en Anjina enfange, on dann mösst mr sech dat Danze en dä Mai erin öwernächsde Woch afschmenke.
Mem Wähder deht dä verröckde Aprel, mäkt, watte well, on lösst dä Wähderfrosch op sin Lädder eropon erafkleddere wie nix. Aprel de Lütt dies Johr widder raderkastedoll make. Wemmer denne stodeerde Schlauköpp, die ons dat Wähder aansare, jlöwe kann, dann künnt sojah de Sonn morje hee on do e besske henger so’n Wolk eronger spinze. Wennde nit jrad e Mimöske bes, dann schmieß dech hütt schon emol en loftije Fröhlengsklamotte. Doch wä ene Kaltköttel es, dä sollt nix öwerdriewe on de Söck vörsechtshalwer bes zom Wonnemonnd Mai noch nit ustrecke!