Bohei öm dat Ei
Dat Osterfest es vör de Dör am stonn, on domet es – on dat als siet Woche – dä jroße Bohei öm dat Ei aanjesaht. Em Koofhuus, em Supermaat, en de Bäckereie on Confiserije, en ejal wat för Buticke kannsde aan de Ostereier nimmieh vörbeikicke.
E Ei on e Ei es jo noch lang nit datselwe. Och wenn mr säht, dat sech Zwei ähnele wie dat eene Ei däm angere, kann mr domet bloß Zwellenge meene, die us eenem Ei jekruffe sin mösse. Äwer wat ons Ostereier aanjeht, bei denne ähnelt sech janix. En däm jroße Sortimäng von leckere Eier süht keens us odder schmeckt wie dat angere. Mr künnt jlatt sare, dat Ostereier sojet wie en Wessenschaft för sech send. För zom Beispeel jöwt dicke Kawenzmannseier on kleene Minnieierkes. Et jöwt hohle Diäteier met nix dren on Kallorijebombe met Föllonge die et schwer en sech hannt. Mr kann Exemplare us Schockelad, Marzepan, Noujat odder Krokant verkimmele, on zom Verschenke för Omma odder Erwtant passt prima dat dekoratiewe Presentei met en Stronzschlöpp drömeröm jebonge. Ostereier vom Chocolatier kannsde koofe för vill Moppe en de Kö-Konfiserie odder för wennech Penünzkes em Supermaat op de Eck. Häsde met däm söße Züch nix am Hoot, dann donn dech din Ostereier selwer koche on färwe, wat besönders vill Spass mäkt, wenn din Pänz jenial mem Pensel ömjonnt on de Kösch trek met bemole. Wat ech noch sare wollt: Verstecke, Söhke on Fenge drusse em Jahde es för Ostersonndaach jaranteert. Ons Wähderfrösch hannt nix wie Sonnesching aanjesaht. Dann kann ech üch all bloß noch e lecker Osterfest wönsche. Monika Voss