Herwsferije emol angers
Häsde dech nu op dä beröhmde jüldene Ocktober jefreut? Von wäje! Kannsde verjesse! Nix wie Räje, Wengk on fies usselije Temperature! On dat jenau dann, wenn för ons Pänz de Herwsferije aanfange. Wat nu? Letzdes Johr kunnt mr noch hen on her simoleere: Wohen jommer denn en de Herwsferije op Jöck? Fleeje mer noh Malle odder fahre mer mem Ware en de Bretannje eröm? Make mer en Tour mem Rädche dörch de Neederlande? Odder kleddere mer em Alljäu eröm met de janze Famillich de Berje erop on eronger? Dat Motto „Nix wie fott!“mösse mer ons dies Johr för de Herwsferije afschmenke. Wäje Corona süht dat all jetz janz angers us. „Mer bliewe hee!“hät de Mamm resolutt-dicktatoresch jesaht, „dann fange mer ons kinne Virus on och kin Karantän en!“Au wei! Nu moss de janze Famillich för e besske Amüsemang sorje, domet eenem de Pänz nit lecker op de Nerwe jonnt so janz ohne Scholl. Hütt mösse Mamm on Papp sowie Omma on Oppa sech schonn e paah Attrakzjohne enfalle losse, öm de Blare vom PC, vom Smartphone on von de Jlotzkest fott zo kreeje. Mem Kastanije Opsammele em Aaper Wald odder Stachelditzkes Bekicke em Aqua-Zoo esset nimmieh jedonn. Drache Steije losse op de Owerkasseler Rhingwies lösst och nit jede Pänz vör Freud höppe. On wenn us däm leckere Ströppke ene lahmeTeenager jewohde es, well dä am leewsde bloß chille odder chätte on hät Null Bock op Ommas Animazzjohnsprojramm. „Joot, dat de Herwsferije bloß 2 Woche duure!“kühmt de Mamm am Äng on freut sech op de nächsde Woch.
Monika Voss