Morje freut sech de Mamm

Schon siet zwei Woche es dech de Werbong öwerall am deue, dat morje Modderdaach es. Ons schlaue Jeschäffslütt freue sech schon op rabbelvolle Kasse on öwerschlare sech met usjefallene Presentches för de Mamm. Natörlech moss aan so’nem Daach dat Jeschenk von Hezze komme, on dat soll mr och trek kicke könne! De Pralinedos hät en Hezzform, em Blomepott steckt e Holzhezz on an de Halskett bömmelt e Hezzke.

Et soll äwer och Lütt jäwe, die sech von de janze Kooferei nit aanstecke losse. Se halde sech aan dat Motto von de Omma selech: „Dat schönnsde Jeschenk es selwsjemaht“on donnt de Mamm verwöhne. Dat süht dann morjefröh so us, dat de Mamm lecker lang leeje bliewe moss, domet de Pänz, Kleen-Kevin on Sarah-Marieche, dat Fröhstöck parat make on aan dat Heiabett brenge. Dä Schlöres-Kaffee es zom Dörchkicke, am Fönnef-Menudde-Ei kann de Mamm sech de Zäng usbieße on dä Kwalm vom Toaster treckt bes ennet Schlofzemmer erin. KleenKevin hät för de Mamm met Wasserfärw e janz abstrackt Bild jemolt, wo mr draan schriewe moss, wat et sin soll. Mem oblijatoresche Blomestruuß ussem Jahde kütt dä Papp eraanjejöckt on freut sech op dat drusse Essejonn am Meddaach: „ Hezzblättche, hütt bliewt de Kösch kalt! Du solls hütt janix donn bloß reläxe!“

Worömhannt denn am Modderdaach so vill Lütt däselweEnfall? Op de Stroßvill Stau, kiPlätzkezom Parke, dat Restorangrabbelvoll, de Bedeenong fies em Stress, on op dat WalbeckerSparjelmenühmossmrenStondwahde, doföräwer lecker lauwärmserveert! Papp kritt de Pimpernell, Blare fange memKwängeleaan, bloß de Mammdeht de Nerwebehalde, so reläxed wie se hütt es! Em Stille freut se sech op Monndaach, wenn alles widder normal löpt!