„Wer uns uff dà Kart find, find uns gudd“
Ein Interview mit dem saarländischen Superhelden Captain Maggi alias Manuel Nau aus Saarbrücken.
Du hast vor zwei Jahren den „Saarländischen Heimatpreis“bekommen. Der vom Saarwald-Verein ausgeschriebene Preis will die Schaffenskraft von Menschen, Gruppen oder Einrichtungen würdigen, die sich um besondere Bräuche, Traditionen oder Orte im Saarland und dem angrenzenden Europa kümmern. Wie definierst du Heimat?
Captain Maggi: „Heimat“is in erschda Linie nadierlich es Haus, es Dorf odda dè Ort, wo mà lääwe duht, wo mà uffgewachs is … wo mà dehemm is. Fir è Haufe Leit is „Heimat“halt ebbes Scheenes, ebbes, wo mà sich wohlfiehle kann. Fir uns Saarlänner is „Heimat“awwa noch vill meeh: Mir Saarlänner sinn jò vunn Grund uff sehr heimatvàbunn. Fir uns is Heimat ähnfach's Gefiehl vunn Famillisch, vunn Sicherhääd, Geborjeheit, Wohlbefinne unn vunn Geheischnis. Heimat is fir uns Saarlänner ähnfach Balsam fir die Seel.
Deine Mission ist es, wie du sagst: „Imma unnaweeschs, um eich die scheene Seite vumm Saarland zè zeihje.“Was macht denn dieses Land so besonders?
Captain Maggi: Ich saahn's mòhl so: Wer es Saarland werklisch kennt, der liebt's halt ähnfach. Unn wer mòhl hie war, der will eischentlich nimmé fott vunn hie. Bei uns is ähnfach es Beschde uff kläänschdem Raum komprimiert. Wo annere gähr Urlaub mache, dò dirfe mir sogar wohne: herrlich abwechslungsreiche Landschafte, Berje unn Seen, spannende Industriekuldur zum Ahnfasse, lebhafte Metropole mit franzeesischem Flair, Kulinarik, dass ähnem es Wasser nur so in dà Schniss zèsammelaafe duht, unn dòzu unser herrlicher Dialekt, è Spròòch, die selbschd Götter gähr fließend schwetze dähde! Es Saarland is zwar klään, hat awwa dè Charme vunn nem gaaanz Große unn wer uns uff dà Kart find, find uns gudd.
Wie bist du darauf gekommen, dass das Saarland einen Superhelden braucht – und wie traf dich die Erkenntnis, dass du das bist? Captain Maggi: Die Geburtsstunn vumm Captain Maggi schlug vor einische Jòhre, als dè große MaggiKonzern die Rezepdur seiner Produkte ännern wollt. Noch während es halwe Saarland in Schockstarre wehje dà Geschmacksännerung unseres Wunder-Elixiers war, kunnt ich uff Facebook dè iwwamäschdische Konzern vumm Gehjedäähl iwwazeusche unn bekam öffentlich die Zusaache: „Wir können dich beruhigen: Die Rezeptur unserer Würze bleibt, wie sie ist!“Dè Suppaheld, wella fir's Saarland kämpfe duht, war gebòòr. Unn wer die Maggi-Rezepdur rette kann, der kann mit seine Suppa-Kräfte nadierlich aach iwwa Bräuche, Gepflogenheide unn Traditione wache. Seitdemm bin ich uff Social Media unnaweeschs, um uns Saarlänner die „Heimatverbundenheit“unn Luschd uff dehemm redour zè bringe. Sei es durch spannende Ausfluuchstipps im Saarland, alte Traditione vunn friehja odda typisch saarlännische Rezepte – alles nadierlich in saarlännischer Mundart.
Rein kulinarisch gibt es ja durchaus Menschen, die Maggi für keine gute, zumindest keine besonders gesunde Küchenzutat halten. Was sagst du diesen Menschen? Captain Maggi: „Ohne Maggi kenn Geschmaggi!“Klar kàmmà Speise aach ohne das „braune Gold“odda „Ambrosia der Götter“genieße … schmackt dann halt awwa leppsch! Spass beiseite: Nadierlich sinn Geschmäcker vàschieden, allerdings hat's Saarland statisdisch gesiehn dè heechschde Pro-Kopp-Vàbrauch des mag(g)ischen Elixiers. Nirjendwo annaschda gebbt so vill Maggi geschmaust wie hie bei uns im Saarland.
Hauptsächlich durch die industriell geprääschd Geeschend unn vor allem durch dè Berschbau kunnt Maggi so im Saarland sei Kultstatus erreiche. Bersch- unn Hidde-Arbeiter hann sellemols ihr karge Mahlzeite halt uff