Sabrigger Schloss – hoch die Tradition!
Unser Autor spricht unverblühmten Klartext – auf Sabrigger Pladd –, was er von den weitreichenden Plänen fürs Saarbrücker Schloss hält.
Dei Traditione, liewes Sabrigge. Immer widder e Erlääbnis – wie grad die neie Plän forrs Schloss: Widder mòò scheener, zweggmääsischer, noch doller! Sunschwo männd Tradition „herkömmlich“, also aldmodisch, z.B.: Aldes bewahre, fleesche, forr`s späder zeije se kinne.
Degeje had Sabrigger Tradition als Grundmuschder (mid Variatione): (1.) Me Musekuss odder ach Floh im Ohr glawe: Ebbes solld, missd, kinnd gemachd werre. (2.)
Produktion dieser Seite:
Sisch vun Spezialischde dann forr ebbes gans anneres begeischdre losse. (3.) Das Projegd forr deires Geld aangehn, am beschde nòòm Váfahre „nix Halwes unn nix Ganses“. (4.) Rumtrombede unn strunse, was má sisch grad mòò widder geleischd had … Jòò, genau: „sisch grad mòò widder geleischd had“. (5.) Kaum wachsd bissje Gras driwwer, robbd má's widder uff, ab odder weg (wie alle paa Monad im Ludwischspaag). Weil: Jedz wolle die näägschde Fachleid „kreadive Ideeje“ausprobiere, wo anner Leid bezahle – samd Folschekoschde unn -schäde.
Es Beschde wär sowiso: Abriss,
Neibau! E Wunner, dass vun dá Berschwergsdirektion wenischdens pro forma e paa váschandelde Reschde stehn. Hädd má sellemòls die „Fachleid“geloss, wär heid ach die Ludwischskirsch so zugerischd.
Awwer forr das Thema reischd niddmòò e gansi SZ-Seid. Vákneif isch má hald Moderne Galerie, Pinguisson-Bau, Birjerpaak, Haus der Gesundheit (HTW), Ald Brigg, Haubdbahnhof, Keltermann, Finansamd, Staddmidde am Fluss usw.!
Nää, nur Beispiele vum Schloss: Beim Abbruch vun dá ald Schlossmauer (weje dá Audobahn), hann se uffwändisch all Stään nummerierd, forr se genauso widder hinsestelle. Eerschd ware die Nummere váwidderd, dann die Stään; had má se hald „frei Schnauze“uffgebaud. Die Stengel-Haiser devòr: Fudsch! Schwund is immer, dòòzu brauch Sabrigge känn Kriesch! Als Krönung had dann es beese Geld die aangeleierd Rekonstruktion vom Schloss nòò de alde Stengel-Plän váhinnerd!
Jedz soll de nimmeh gans neie Seidebau weg, wo aussidd wie e Tunnel, wo má auserum de Bersch vágess had. Ebbes rischdisch Wuchdisches soll hingeklodzd werre. Edwa widder nòòm Schema: Ebbes Groosaadisches nòò vill Tamtam NIDD mache, als Ersadz ebbes „Kläänaadisches“in de Sand sedze unn saan (Sachzwang!), es missd so sinn? Unn wann is es Böhm-Heilischtum draan, der Glaspalaschd in dá Midde? Derf má gespannd sinn? Odder muss má's?
P.S.: Klaa, isch wääs, dass mir Wischdel dòò känn Määnung zustehd. Trodzdemm hann isch änn. Schlimm?
Peter Eckert, aufgewachsen in Burbach, berufstätig 48 Jahre in der Stadtmitte, spricht und schreibt Sabrigger Pladd.