「好大機會」參與補選

Next Magazine - - 八 卦 陣 -

一回歸前夕,中大學生會前會長、前學民思潮發言人張秀賢同巫堃泰、梁繼平等人,今個月二十四日宣布組成「立言香港」,定位係倡議型組織,主攻政策研究同提議。佢表明,立言唔係政治組織,立言唔係為立法會新界東補選鋪路。

根據成立宣言,立言有五大主張,包括「經濟自主、體制自強、社區自治、文化自成、國際自立」。對於立言剛成立,就被人標籤做港獨組織。張秀賢指出,自決主張唔同港獨主張,自決、自主等理念係期望唔同派別可以善用香港自身優勢,充實香港實力同重塑可能性,唔擔心會影響日後補選資格。

張秀賢話現階段積極考慮參選,自己「好大機會」參選,但遲遲未見有關補選事宜細節,所以未公布決定。對於能否入閘,佢認為入閘問題唔係由佢決定,「就連香港眾志都被批為港獨,大家都唔會擔心眾志。」但面對官司同訴訟等未知數,參選還有變數。

張秀賢補充,即使有港獨主張,都唔應該左右選舉入閘資格,批評選委會準則唔合理同製造不必要限制,「基本法無提及候選人有港獨主張就會被取消資格。一切都應該以基本法作為依據,跟足立法會選舉條例。」

(《蘋果日報》圖片)

張秀賢(左一)因為佔中有案在身,與「佔中三子」等共九人,被控煽惑和作出公眾妨擾等六項罪名,九月要到區域法院答辯。

Newspapers in Chinese (Traditional)

Newspapers from Hong Kong

© PressReader. All rights reserved.