辟邪 楊娜擺風水陳敏兒拎住六嚿水混吉

Next Magazine - - Next Plus -

就快年初一嘞!好多人都要趕住辦年貨,智叔(廖啟智)老婆陳敏兒都唔例外。個個逼去花墟買花,陳敏兒想買,都要排隊等!時間關係,佢一早拎住六嚿水喺度stand by。

等咗幾分鐘終於輪到佢,用六嚿水買嘢應該滿載而歸。點知陳敏兒問咗老闆娘幾句,就袋番六嚿水轉身走。喺花墟行咗一圈,最後得個吉,揸車走人。下次帶埋智叔行街,老公俾錢,可能shopping意慾會大啲!

排隊等買嘢,陳敏兒拎定六嚿水等住入年貨。最後呢六嚿水冇消費,放番入銀包,袋袋平安。睇嚟佢想買花,但又睇唔啱心水。

阿女幫手拎住袋風水葫蘆,咁聽話,楊娜果然教女有方。

09年嫁俾「燈箱大王」楊志翹,婚後唔做少奶奶,繼續喺大台做女配拍劇。去花墟入貨前,楊娜睇中一間餐廳嘅特價午餐醫肚,但阿女唔啱食,一手拉阿媽走。不過最後楊娜都說服阿女幫襯呢間。

最近智叔喺發哥感染下,鍾意咗行山,早前約埋一班friend行完山,去食海鮮。

錫親生女,楊娜對兩個繼女亦視如己出。呢對同父異母嘅姊妹,感情好好。

Newspapers in Chinese (Traditional)

Newspapers from Hong Kong

© PressReader. All rights reserved.