南轉行做保險郭耀明變白頭佬

Next Magazine - - 同你吟一吟 -

個白頭佬係咪好熟口面!

離開大台十年嘅郭耀明,依家已經五張幾,同吳岱融一樣一頭白髮,仲留埋鬚,比起以前拍大台劇時脂粉味,真係天與地。

白髮郭耀明冇撈幕前,傳聞佢轉行做保險。呢日佢坐低一邊歎咖啡,一邊日理萬機咁喪篤電話,篤兩下笑一笑,索一索鼻,又笑一笑,無做演員,郭耀明面部表情依然豐富。

夠鐘急急腳走人,好明顯約咗佳人。外形唔同晒嘅郭耀明,唯一冇變係身邊依然有男伴同行。

回一回帶先,當年由亞視轉投無綫嘅佢,喺長命處境劇《真情》飾演「歸亞南」彈起,不過之後被安排做渣男專業戶,由第二男主角,降到做男配,07年拍完《通天幹探》,做到灰嘅郭耀明離開大台,之後仲索性退出娛樂圈。

手指公套住check血糖嘅儀器,手指不停狂篤電話。 雖然轉行做保險多年,但一日做過演員,歎杯咖啡都仲表情多多。撰文:八珍 設計:美術組攝影、攝錄:李玄、陳亦龍54歲郭耀明,十年冇喺幕前出現。

Newspapers in Chinese (Traditional)

Newspapers from Hong Kong

© PressReader. All rights reserved.