食住popcorn朱玲玲買Uniqlo $300西褲

Next Magazine - - 同你吟一吟 -

身係瑞安集團主席嘅羅康瑞,近幾年做咗貿易發展局主席,忙到連太太朱玲玲都開口投訴,佢早排仲講笑話:「佢(朱玲玲)點只投訴,直情話唔俾飯我食!」夾都無咁啱,八珍呢日喺又一城撞到呢位有「最美麗港姐」之稱嘅朱玲玲,佢食住popcorn,目標好明確地行咗入一間運動服裝店,行個round撥兩撥,皺晒眉頭,唔使講無啱心水啦。時間寶貴,朱玲玲馬上轉場去Uniqlo,雖然人頭湧湧,但朱玲玲話咁快就有target—— 中三百蚊有找的女裝西褲。靚太好熟手,拎上手摸摸,索性行入試身室慢慢試。連埋埋單找數,15分鐘搞掂,之後急急腳上車走人,唔通老公羅康瑞今晚有時間撐枱腳?

朱玲玲由睇到試再買埋, 15分鐘搞掂,爽快!行去上車都keep住食,真係好想試吓朱玲玲手上嘅爆谷係咪咁好味。撰文:八珍 設計:美術組攝影、攝錄:蕭敬漁、李溢敏 闊太唔一定淨係識買名牌,三百蚊一條嘅女裝褲一樣吸引到朱玲玲。

以前同朱玲玲秤不離鉈,近年老公公務繁忙,搞到朱玲玲忍唔住開口投訴。

Newspapers in Chinese (Traditional)

Newspapers from Hong Kong

© PressReader. All rights reserved.