FRÁBÆR AKUR­EYRI UM PÁSKAHÁTÍЭINA

AKUREYRARS­TOFA KYNNIR Páska­æv­in­týri verð­ur á Akur­eyri um helg­ina. Ógleym­an­leg upp­lif­un er að koma til Akur­eyr­ar, enda margt um að vera; tón­leik­ar, leik­sýn­ing­ar, skíðap­ara­dís, skemmti­leg sund­laug og veit­inga­hús.

Fréttablaðið - FÓLK - - PÁSKAR -

Skúli Gauta­son, fram­kvæmda­stjóri Akur­eyr­ar­stofu, seg­ir að við­burð­ir verði marg­ir og stór­kost­leg­ir um helg­ina. Eitt­hvað fyr­ir all­an ald­ur. „Ég vil sér­stak­lega nefna fjöl­breyti­leik­ann hér. Það er rosa­lega flott dag­skrá um páskana og mik­ið líf og fjör í bæn­um. Best er fyr­ir fólk að kíkja á heima­síð­una visi­tak­ur­eyri.is en þar er hægt að skoða alla dag­skrána,“seg­ir Skúli.

FJÖL­BREYTT TÓNLISTARL­ÍF

„Tón­list­ar­líf­ið verð­ur sér­stak­lega glæsi­legt. Fyrst ber að nefna að Sin­fón­íu­hljóm­sveit Norð­ur­lands verð­ur með stór­tón­leika á skír­dag í Hofi. Þarna skart­ar hljóm­sveit­in sínu feg­ursta og efn­is­val­ið er mjög metn­að­ar­fullt; Tsjaj­kovskíj, Stra­vin­skíj og Bartok.

Dag­inn eft­ir verð­ur rokkóper­an Jes­us Christ Su­per­st­ar flutt í Menn­ing­ar­hús­inu Hofi, vel við hæfi á föstu­dag­inn langa. Ósk­ar Pét­urs­son ten­ór verð­ur síð­an með góða gesti í Hofi á laug­ar­dag. Þar verð­ur flutt tónlist eft­ir Gunn­ar Þórð­ar­son. Á Græna hatt­in­um, sem er einn magn­að­asti tón­leikastað­ur lands­ins, verð­ur margt um að vera. Á fimmtu­dag treð­ur upp Ama­bAdama og á föstu­dag verð­ur Pét­ur Jó­hann Sig­fús­son með uppistand. Helgi Björns­son og Reið­menn vind­anna skemmta á laug­ar­dags­kvöld­ið. Á sunnu­dag koma fram Magni Ás­geirs­son og fé­lag­ar hans í Killer Qu­een,“seg­ir Skúli.

„Stebbi og Eyfi verða síð­an á Hót­el KEA. Einnig verð­ur tón­leika­dag­skrá á Akur­eyri Backpacker­s, þar kem­ur með­al annarra Þor­steinn Kári fram,“bæt­ir Skúli við.

FLOTTAR LEIK­SÝN­ING­AR

Viða­mikl­ar sýn­ing­ar eru í leik­hús­um norð­an fjalla. „Þrjár mjög fín­ar sýn­ing­ar verða hér um páskana. Þar get ég nefnt Lísu í Undralandi sem er stór­skemmti­leg og kraft­mik­il sýn­ing sem höfð­ar til breiðs ald­urs­hóps. Fiðl­ar­inn á þak­inu er í sýn­ingu hjá Frey­vangs­leik­hús­inu í Eyja­fjarð­ar­sveit en hún er fyr­ir fólk á öll­um aldri, mjög skemmti­leg sýn­ing. Hjá Leik­fé­lagi Hörg­dæla er ver­ið að sýna Þögg­un en hún er sýnd á Möðru­völl­um í Hörgár­dal. Þetta er áleit­ið við­vangs­efni, fjall­ar um stöðu kvenna fyrr á öld­um og lífs­hlaup nokk­urra skáld­kvenna.

Ekki má gleyma sýn­ingu Jan Voss í Lista­safni Akur­eyr­ar. Svo eru fín­ar sýn­ing­ar í Flóru, Galle­ríi Lax og sýn­ing um Vig­dísi Finn­boga­dótt­ur í Minja­safn­inu. Þá er Leik­fanga­safn­ið op­ið, sömu­leið­is Mótor­hjóla­safn­ið, Flugsafn­ið og fleiri skemmti­leg söfn. Einnig verð­ur spenn­andi skauta­diskó í Skauta­höll­inni.

OFURHUGAR Í HLÍÐARFJAL­LI

Stærsti við­burð­ur­inn er loka­við­burð­ur Ice­land Win­ter Ga­mes sem er í Hlíðarfjal­li. Þar verð­ur véls­leð­aspyrna, Freestyle BigJump á véls­leð­um og SkyJump Acti­on Sports þar sem ofurhugar keppa. Þetta verð­ur allt á laug­ar­dag. Ég vil benda fólki á að það er mjög til­komu­mik­ið að sjá þessa of­ur­huga leika list­ir sýn­ar.“

Skúli seg­ist eiga von á fjölda ferða­manna til Akur­eyr­ar um helg­ina. „Hing­að kem­ur alltaf fjölda­margt ferða­fólk um páska, fólk sem fer á skíði, út að borða og nýt­ur þess góða menn­ing­ar­lífs sem hér er í boði í bæn­um. Bær­inn tek­ur vel á móti ferða­mönn­um, enda löng reynsla á því sviði hér. Færð­in er góð og veð­ur­spá­in fín,“seg­ir Skúli. „Á vefn­um okk­ar visi­tak­ur­eyri.is get­ur fólk fund­ið hót­elg­ist­ingu og feng­ið aðr­ar upp­lýs­ing­ar sem á þarf að halda, til dæm­is um skíð­ar­út­una. Það er allt op­ið á Akur­eyri um helg­ina og eng­um þarf að leið­ast.“

AKUR­EYRI Skúli Gauta­son er fram­kvæmda­stjóri Akur­eyr­ar­stofu. Hann seg­ir að það verði óvenju líf­leg og fjöl­breytt dag­skrá um páskana í bæn­um.

Newspapers in Icelandic

Newspapers from Iceland

© PressReader. All rights reserved.