Gamli hafn­ar­garð­ur­inn orð­inn vegg­klæðn­ing

Grjóti sem fjar­lægt var með ærn­um til­kostn­aði úr gömlu höfn­inni í Reykja­vík verð­ur gert hátt und­ir höfði í ný­bygg­ingu við Hafn­ar­torg. Eldri hafn­ar­garð­ur­inn skor­inn í vegg­flís­ar. Frið­lýsti hafn­ar­garð­ur­inn verð­ur til sýn­is í bíla­kjall­ar­an­um.

Fréttablaðið - - +PLÚS - FRÉTTA­BLAЭIÐ/GVA FRÉTTA­BLAЭIÐ/ERNIR mika­[email protected]­bla­did.is

Minn­ing hafn­ar­garð­anna, sem grafn­ir voru upp og fjar­lægð­ir stein fyr­ir stein við Hafn­ar­torg fyr­ir nokkr­um ár­um, verð­ur heiðr­uð í bygg­ing­un­um sem þar hafa nú ris­ið. Sam­komu­lag náð­ist milli fram­kvæmda­að­ila og Minja­stofn­un­ar um að gera minj­un­um þar hátt und­ir höfði.

Í því felst með­al ann­ars að grjóti úr eldri garð­in­um hef­ur ver­ið breytt í vegg­flís­ar sem nú er ver­ið að klæða and­dyri einn­ar bygg­ing­ar­inn­ar við Hafn­ar­torg með. Yngri garð­ur­inn, sem frið­lýst­ur var að und­ir­lagi Sig­mund­ar Davíðs Gunn­laugs­son­ar, þá­ver­andi for­sæt­is­ráð­herra, verð­ur sýni­leg­ur í bíla­kjall­ara húss­ins.

Þor­vald­ur Giss­ur­ar­son, for­stjóri ÞG verks sem reis­ir hús­in við Hafn­ar­torg, seg­ir þetta nokk­uð snjalla lausn.

„Þetta er hluti af hönn­un húss­ins og lausn­inni varð­andi garð­inn sem unn­in var í sam­vinnu við Minja­stofn­un,“seg­ir Þor­vald­ur.

Mik­ið fár varð í kring­um upp­gröft­inn í gömlu höfn­inni. Taf­ir urðu á fram­kvæmd­um, Sig­mund­ur Davíð þurfti að segja sig frá ákvörð­un um frið­lýs­ingu og svo fór að Sigrún Magnús­dótt­ir tók ákvörð­un­ina um frið­lýs­ingu. Grjót­ið úr hafn­ar­garð­in­um var svo fjar­lægt stein fyr­ir stein, merkt og mælt í bak og fyr­ir en kostn­að­ur við það nam hálf­um millj­arði.

Ag­nes Stef­áns­dótt­ir, sviðs­stjóri hjá Minja­stofn­un, bend­ir á að um tvo hafn­ar­garða hafi ver­ið að ræða. Ann­ars veg­ar var það stóri hafn­ar­garð­ur­inn sem lá þvert yf­ir lóð­ina sem mesta fjarg­viðr­ið varð út af og var frið­lýst­ur sér­stak­lega. Og síð­an eldri hafn­ar­garð­ur, sem var inn­ar, einnig kall­að­ur ból­verk sem heim- ild­ir eru til um frá 1881. Sá er ald­urs­frið­að­ur. Ból­verk­ið var vel varð­veitt und­ir land­fyll­ingu, grjót­hleðsl­an er öll úr til­höggnu grjóti, ólíkt yngri hafn­ar­garð­in­um.

Grjót úr eldri hafn­ar­garð­in­um hef­ur nú ver­ið sag­að í flís­ar og not­að sem vegg­klæðn­ing í and­dyri Kal­kofns­veg­ar 2 á Hafn­ar­torgi, þar sem skrif­stof­ur Frétta­blaðs­ins eru til húsa og glögg­ur blaða­mað­ur bar kennsl á grjót­ið.

„Sam­komu­lag­ið var að sá garð­ur yrði ekki sett­ur aft­ur upp á sinn stað held­ur nýtt­ur í svona vegg. Þannig að minn­ing­in um hann yrði varð­veitt í hús­inu,“seg­ir Ag­nes.

Sam­þykkt var að hinn garð­ur­inn sem frið­lýst­ur var yrði tek­inn nið­ur, í stað þess að byggja hann upp og gera bíla­kjall­ar­ann ónot­hæf­an.

„Það verða stein­ar úr hon­um sett­ir í gólf­ið og ein­hver hluti af hon­um hlað­inn upp þar sem því verð­ur kom­ið við.“

Grjót úr eldri hafn­ar­garð­in­um öðl­ast nýtt líf sem vegg­klæðn­ing í and­dyri Kal­kofns­veg­ar 2, einn­ar ný­bygg­ing­ar­inn­ar við Hafn­ar­torg.

Frið­lýsti hafn­ar­garð­ur­inn mun njóta sín í bíla­kjall­ara.

Newspapers in Icelandic

Newspapers from Iceland

© PressReader. All rights reserved.