Stoð­ir með sex millj­arða hlut í Ari­on

Fjár­fest­inga­fé­lag­ið Stoð­ir á 4,5 pró­senta hlut. Er stærsti ís­lenski fjár­fest­ir­inn í hlut­hafa­hópi bank­ans. Keypti um þriðj­ung af tíu pró­senta hlut sem Kaupþing seldi í síð­ustu viku. Sig­urð­ur Bolla­son og fé­lög hon­um tengd hafa byggt upp stóra stöðu í Ari­on

Fréttablaðið - - FORSÍÐA - – hae / sjá Mark­að­inn

Fjár­fest­inga­fé­lag­ið Stoð­ir, sem er í meiri­hluta­eigu með­al ann­ars fjár­fest­anna Jóns Sig­urðs­son­ar, Ein­ars Arn­ar Ólafs­son­ar, Magnús­ar Ár­mann og TM, er orð­ið stærsti ís­lenski fjár­fest­ir­inn í hlut­hafa­hópi Ari­on banka með um 4,5 pró­senta hlut, sam­kvæmt heim­ild­um Mark­að­ar­ins. Mið­að við nú­ver­andi hluta­bréfa­verð Ari­on banka er eign­ar­hlut­ur­inn met­inn á rúm­lega sex millj­arða króna.

Stoð­ir marg­föld­uðu hlut sinn í Ari­on banka þeg­ar fé­lag­ið keypti um þriðj­ung af þeim tíu pró­senta hlut sem eign­ar­halds­fé­lag­ið Kaupþing, stærsti ein­staki hlut­hafi bank­ans, seldi síð­ast­lið­inn mið­viku­dag til inn­lendra og er­lendra fjár­festa. Frá þeim tíma hef­ur hluta­bréfa­verð bank­ans hækk­að um nærri tíu pró­sent. Fyr­ir áttu Stoð­ir, sem er eitt stærsta fjár­fest­inga­fé­lag lands­ins og var með um 18 millj­arða í eig­ið fé í árs­byrj­un 2018, um 0,65 pró­senta hlut í bank­an­um.

Eft­ir sölu Kaupþings hafa um­svif einka­fjár­festa í eig­enda­hópi Ari­on banka auk­ist veru­lega. Þannig á Sig­urð­ur Bolla­son, fjár­fest­ir og stór hlut­hafi með­al ann­ars í Kviku banka, og fé­lög hon­um tengd orð­ið sam­tals í kring­um tveggja pró­senta hlut í Ari­on banka, sam­kvæmt heim­ild­um. Hann hef­ur að und­an­förnu ver­ið að byggja upp stöðu í bank­an­um, sem er með­al ann­ars fjár­mögn­uð í gegn­um fram­virka samn­inga hjá Ís­lands­banka, og keypti um­tals­verð­an eign­ar­hlut af Kaupþingi í síð­ustu viku.

Stærstu hlut­haf­ar Stoða, sem seldu í fyrra hlut í evr­ópska drykkjar­vöru­fram­leið­and­an­um Refresco fyr­ir um 19 millj­arða, eru eign­ar­halds­fé­lag­ið S121, Ari­on banki og Lands­bank­inn.

Sá hóp­ur fjár­festa sem fer með tögl og hagld­ir í Stoð­um í gegn­um fé­lag­ið S121 sam­an­stend­ur einkum af fé­lög­um tengd­um Jóni, fyrr­ver­andi for­stjóra FL Group og stjórn­ar­manni í Refresco, Ein­ari Erni, fyrr­ver­andi for­stjóra Skelj­ungs og stjórn­ar­manni í TM, Magnúsi Ár­mann, fjár­festi og fyrr­ver­andi stjórn­ar­manni FL Group, Ör­vari Kjærnested, fjár­festi og stjórn­ar­manni í TM, og Þor­steini M. Jóns­syni, áð­ur að­aleig­anda Víf­il­fells og fyrr­ver­andi stjórn­ar­manni í Glitni og FL Group.

Newspapers in Icelandic

Newspapers from Iceland

© PressReader. All rights reserved.