Frá degi til dags

Fréttablaðið - - SKOÐUN - mika­[email protected]­bla­did.is

Á mið­um læk-tog­ara

DV hef­ur und­an­far­ið pönk­ast á svik­söm­um áhrifa­völd­um sem staðn­ir hafa ver­ið að því að lýsa vel­þókn­un sinni á glingri og skrani. Það væri nú vart í frá­sög­ur fær­andi nema sök­um þess að um­rætt gling­ur var selt af ein­hverj­um skúffu­fé­lög­um um­ræddra áhrifa­valda án þess að þeirra tengsla væri get­ið. Með nægi­lega skít­ug­um gler­aug­um má sjá að þetta er háal­var­legt mál. Neyt­enda­stofa hef­ur lengi haft horn í síðu þess­ara bronslit­uðu læk-tog­ara Nets­ins en við of­ur­efli er að etja.

Hinir hálf­beru

Stað­reynd­in er sú að það verð­ur ekki þver­fót­að á sam­fé­lags­miðl­um fyr­ir hálf­ber­um áhrifa­völd­um með stinn­ar geir­vört­ur að reyna að selja fólki drasl ým­ist leynt eða ljóst. Neyt­enda­stofa þyrfti sér­sveit til að tækla hið svarta hag­kerfi. Áhrif hinna hálf­beru skyldi því ekki van­meta. Þeir sem sterk­ast­ir standa þar státa af tug­þús­und­um fylgj­enda sem er á við sam­fé­lags­miðla­fylgj­end­ur flestra stærri hefð­bund­inna fjöl­miðla hér­lend­is. Þar á með­al Frétta­blaðs­ins. Það er ljóst að ekki renna öll fjár­ráð fyr­ir­tækja leng­ur í aug­lýs­ing­aryk­sug­una í Efsta­leiti. Einka­rekn­ir fjöl­miðl­ar gætu því kannski þurft að beina spjót­um sín­um að bik­iní­klædd­um og orku­drykkja­drekk­andi áhrifa­völd­um sem orðn­ir eru að­sóps­mikl­ir á mark­aði og með völd til að kom­ast upp með það.

Newspapers in Icelandic

Newspapers from Iceland

© PressReader. All rights reserved.