Құрметті «Эйр Астана» жолаушысы!
Мен сізге тамаша жаңалығымды қуана хабарлаймын: біз Skytrax агенттігінің хатынан бізге бес жыл қатарынан «Орталық Азия мен Үндістанның ең үздік әуе компаниясы» марапаты беріліп отырғандығын білдік. Бұл — әуе компанияларының саны көп, кең-байтақ аумақ. Сондықтан мен тұрақты қолдау көрсеткендері үшін біздің клиенттерімізге, сондай-ақ күрделі экономикалық жағдайға және қатаң бәсекеге қарамастан, осындай деңгейдегі шеберлікті сақтап тұруға сіңірген қажырлы еңбектері үшін өз әріптестеріме ризашылығымды білдіремін.
Сонымен қатар, Орталық Азия елдерінің бірі — Монғолияның өз жолаушыларына өңірдегі ең үздік әуе компаниясына рұқсат бермеу туралы шешім қабылдағанын естіп, қынжылдық. Бізге алдымен әуе тасымалдарын жасауға рұқсат беріп, содан кейін сол шешімді бұзғандары мүлде түсініксіз. Монғолияның авиациялық басшылығы қаңтарда жүргізген қауіпсіздік жөніндегі аудиттен өткен едік, онда ешқандай кінәраттар табылған жоқ болатын. Сонда да болса, біз осы жағдайдың шешімін табатындығына және 2017 жылы Астана – Улан-Батор рейстеріне Монғолияның және басқа да елдердің жолаушыларын шын пейілмен қарсы ала алатындығымызға сенім артамыз.
Мен Алматы мен Тегеран арасында 30 маусымнан басталған Иран бағытындағы рейстерді ашу кезінде мұндай проблемалардың туындамағанын сіздерге ризашылықпен хабарлаймын. Ирандық саяхатшыларды біздің маршруттарымыздың өсе түскен желісінде қуана қарсы аламын. Біз сіздерге қауіпсіздік пен сервистің жоғары стандарттарын ұсынамыз. Embraer бортында Тегераннан ұшу кезінде ғана емес, сондай-ақ Қытайға, Кореяға, ОңтүстікШығыс Азия елдеріне саяхаттаудан да ләззат алатындықтарыңызға сенім артамыз, сол елдердің көпшілігіне Иран астанасынан ыңғайлы тоғыспалы рейстермен жетуге болады.
Құрметпен,
Питер Фостер,
«Эйр Астана» әуе компаниясының президенті