«Эйр Астананың» туған күні

15 мамырда әуе компаниясының операциялық қызметінің басталғанына 14 жыл толды. 2016 жылғы қаңтардан сәуір айына дейін бір миллионнан астам жолаушы мен 4 мың тоннаға жуық жүк тасымалданды. Операциялық кіріс

170 миллионнан астам АҚШ долларын құрады. Қызмет істеген жылдарда мемлекеттік бюджетке 353 миллионнан аса АҚШ доллары төленді.

Компания әлемдегі ең жас флоттардың біріне иелік етеді, оның қарамағында Boeing 767/757, Airbus A320 және Embraer 190 тобындағы 30 әуе кемесі бар, ұшақтардың орташа мерзімі — 7 жыл. Жылдың екінші жартысында бірінші Airbus A320NEO келуі күтіледі.

Компанияның маршруттық картасында 67 бағыт бар, ал осы жазда Алматы – Тегеран жаңа рейсі ашылмақ. «Эйр Астанада» 4 653 қызметкер еңбек етеді,

165 ұшқышты дайындап үлгерген Abinitio бағдарламасы бойынша қабылдау мен шетелдерде оқыту жүріп жатыр. Жылдың басында Air France-пен және KLM-мен кодшерингтік келісімге қол қойылды, соның арқасында «Эйр Астананың» клиенттері Еуропа, Солтүстік және Оңтүстік Америка елдеріне тоғысу рұқсатын алды. Одан бөлек, 2016 жылы Boeing 767 ұшақтарының бірінде жолаушыларға арналған сымсыз интернет пайда болады, ал Астанада ұшақтарға қызмет көрсететін аймақтық техникалық орталықтың құрылысы аяқталады.