Әлия мірхайдарова Бортсерік

Мен үшін аспан деген не? Ол — менің құмарлығым. Көп адамдарды ұшу туралы ойдың өзі-ақ қорқытатын болса, ал мен аспанмен кездесуді әр жолы асыға күтемін. Дүниеге келген кезден-ақ менің өмірімде аспанмен, ұшумен және болашақ мамандығыммен байланысты белгілер әрқашан болып тұрды. Үш жасымнан бастап мен бимен айналыстым, әр күнім минутына дейін белгіленіп қояды: репетициялар, концерттер, гастрольдар мен шабадандар. Күннен күнге — костюмдер, макияж, өзгеше әсем жымиыс, дене сымбаты, шашты мұқият түйіп қою. Осының бәрі менің өмірімде қазір де бар. Өйткені біздің мамандығымызда бұлардың маңызы аз емес, біз компанияның кескін-келбетіміз ғой.

Менің авиациядағы мансабым 2014 жылы басталды. Әңгімелесуге қатысқан мен көптеген келбетті және сұлу қыздарды көрдім. Қорқақтап қалған мен жалт бұрылдым да, сыртқа шығуға беттедім. Көшеге шыққан бойда кеудемді кере, терең дем алдым да, аспанды көрдім. Сондағы аспанды мен ешқашан ұмытпаймын. Көкпеңбек, тап-таза және тып-тыныш аспан мені еліктіріп, өзіне шақырып тұрды. Маған бұл тағдырдың белгісі сияқты болып көрінді! Иықтарымды түзеп, аяқтарымды нық басқан күйі сенімді түрде қайтып келдім де, өз кезегімді күттім. Әр кезең сайын үміткерлердің саны азая түсіп, менің стюардесса болуды армандаған мақсатым бірте-бірте жақындай берді. Мен бақытты жанмын: менің сүйікті жұмысым бар, бос уақытта өзім қатты ұнататын бимен айналысамын. Би конкурстарында көптеген марапаттарға, жүлделі орындарға және медальдарға ие болған мен осы күнге дейін бүкіл әлемде өз елім — Қазақстанның атынан зор мақтанышпен қатысып тұрамын.

Менің жұмысым өзім көксеген тілектерімді жүзеге асыруыма мүмкіндік жасайды. Мені «Эйр Астанаға» әкелген тағдырдың барлық белгілеріне өз басым дән ризамын.