Сән-салтанатты Алматы
Қазақстанның бұрынғы астанасы, әрі елдегі халық ең тығыз қоныстанған қала — Алматыдан әркім: урбанист те, табиғатты сүюші де өз талғамына сай келетін әйтеуір бір керегін табады. Қалада мұражайлар, сурет галереялары, сондай-ақ бірде-бір шегесіз салынған әсем ағаш ғимарат — Вознесенский соборы сияқты көз тартатын орындар да өте көп. Мұнда саябақтар мен ашық кеңістіктер де, сәнді кофеханалар мен барлар да, керемет кафелер мен ресторандар да қисапсыз көп.
Қаладан алыс емес тау бөктерінде әлемдегі ең биік таулы Медеу мұзайдыны мен Шымбұлақ шаңғы курорты орналасқан, оларда жаз айларында да тамаша демалуға және серуендеуге болады. Тағы бір көз тартатын орын — тау биігіне орналасқан, жаяу жетуге болатын Үлкен Алматы көлі. Американдық Гранд-арнаға барабар келетін Шарын Арнасы да Алматыдан қашық емес. Ал Тамғалы шатқалынан сіздер жартасқа салынған көне замандағы бейнелерді көресіздер.
Жылқы малы қазақтың тыныстіршілігінде шешуші рөл атқарған. Әрі көлік, әрі азық ретінде пайдаланылған.
Бие сүтінен дайындалған қымыз бен жылқы еті жеңсік тағамдардың қатарына жатады. Салт атпен Алматының тау бөктерлерін аралап шығудың өзі бір ғанибет, соқпақ жолдар сіздерді нағыз алма бақтарына апарады. Алманың ең алғашқы отаны Алматы болған деген де пікірлер бар. «Эйр Астана» Астанадан Алматыға күніне бірнеше рейс жасайды.