Ежелгі архитектура

Қазақтардың өздерінің отырықшы көршілері өзбектерден айырмашылығы, олар көшпелі халық болған, жыл сайын малдарын айдап, жыл мезгіліне қарай жазғы жайлаудан күздеуге, одан қыстауға және керісінше көшіп-қонып отырған. Сондықтан Қазақстанда өздерінің көршілеріндегі сияқты тарихи архитектура ескерткіштері сиректеу кездеседі. Бірақ Түркістанда сәулетті ғимараттардың үлгісі — орасан үлкен кесене бар, оны кейінірек Әмір Темір немесе Темірлан салдырған.

Сопылық дәруіш және ақын Қожа Ахмет Йассауидің құрметіне салынған кесененің көкшіл және көгілдір ақық түсті ғажайып тақталармен безендірілген аса үлкен күмбезі Орталық Азиядағы ең ірі күмбез болып саналады. Ол XIV ғасырда тұрғызылды. Құрылыс жұмыстары Әмір Темір қайтыс болғаннан кейін 1405 жылы тоқтап қалды, сондықтан кешен сол күйі аяқталмай қалды.

Бүгінгі Түркістан туристер сирек қатынайтын тып-тыныш қала болып табылады, бірақ Йассауи кесенесіне келетіндер аз емес. Бір кездері ол Еуропа мен Қытайды жалғастыратын сауда жолдарының бірінің ең кіндік тұсына орналасқан еді. Қазақстанның далалары мен шөлдеріне қоныс теуіп, Самарқан мен Бұхараға дейін созылып жатқан Яссы (қала бұрын дәл осылай аталған) Ұлы Жібек жолындағы өсіп-өркендеген сауда орталығы болған. Түркістанға ең жақын әуежай Шымкент қаласында, 3 сағаттық жерде орналасқан. «Эйр Астана» Астанадан Шымкентке күн сайын рейстер жасайды.