3. Қаладағы алуан түрлі демалыс
Егер шомылудан, күнге күюден немесе жағалауда серуендеуден жалықсаңыздар, онда Батумидегі сансыз көп мұражайларға барыңыздар. Аджарияның мемлекеттік мұражайы, археология мұражайы, өнер мұражайы, ағайынды Нобельдер мұражайы, галереялар, ағаштан ою оятын шебер ұйымдастырған Кемаль Турманидзенің жеке мұражайы, ол жергілікті тұрғындардың тұрмыс-тіршілігінің көрінісін бейнелеген және тұрмыстық заттардың, киім-кешектердің, түрлі керек-жарақтардың бай коллекциясын жинаған.
Міндетті түрде Батуми дельфинарийіне барыңыздар. Шоу кез келген ауа райында күніне екі рет өтеді (жазғы маусымда — үш рет). Бұл — ашық дельфинарий, бірақ көрермен орындары шатыр астына орналасқан. Шоу ғажайып, оған кемінде сегіз дельфин, сондай-ақ итбалықтар қатысады.
Тағы да бір must see санатындағы орын — алуан түрлі өсімдіктерді жинаған әлемдегі ең бай орындардың бірі болып табылатын атақты Ботаника бағы. Әрі бақ қырат үстінде орналасқан, сондықтан ол көкшіл теңіздің үстінде қалқып тұрған сияқты болып көрінеді. Сондай ғажайып сұлу. Бақты аралап, күні бойы қыдыра беруге болады. Адамдардың көпшілігі солай етеді де, теңіз жағасында тоқтайтын аймақ та бар, онда барбекю (алдын ала әзірленіп, өздерімен ала келетін) дайындауға және тіпті кемпингте түнеп шығуға да болады. Батумидің ең биік нүктесіне «Арго» аспа жолымен, әсіресе күн ұясына батар кезде міндетті түрде барып қайтыңыздар. Төбенің ең биік жерінде жайлы кафесі бар шолу алаңы орналасқан.
Егер сіздер әскери бекіністерді ұнататын болсаңыздар, Батумидің орталығынан 12 км жердегі Гонио Апсарос қамалына барыңыздар, онда келушілерге өте қолайлы жағдай жасалған. Қамалдан қалпына келтірілген антикалық соғыс қаруларын көріп, бекініс қабырғаларын бойлап, серуен құрыңыздар.