Ораниенбаум

Басқа жазғы резиденциялармен салыстырғанда, өзінің азырақ танымалдығына қарамастан, Ораниенбаум ешкімді бей-жай қалдырмайтын тарихымен мақтана алады. Осы жер князь Меньшиковтың иелігінде болған, осындай орасан үлкен сыйды император Петр I оған өзі сыйлаған. Ізетті князь қуғынға ұшыраған кезде Үлкен сарай салынып біткен де еді. Болашақ император Петр

III — ұлы князь Петр Федоровичтің резиденциясы болғанға дейін біршама уақыт алпауыт қожалығы мемлекеттік бір ведомстводан басқасына ауысып отырды, Петр ІІІ-ГЕ арнап Петерштадт көңіл көтеретін сарайы салынды.

1762 жылы Петр III патша өлтіріліп, таққа Екатерина II отырады. Ораниенбаумда ол үшін арнайы саяжай салынады, ол Ресейде сол заманда рококо стилінде салынған ең алғашқы және жеке-дара құрылыс болды. Ұлы Екатеринадан кейін Ораниенбаумға император Александр I, оның бауыры Михаил Павлович, герцог Мекленбург-стрелицкийлер иелік етті.

Қожайындардың осыншама көп саны парк ансамблінің сыртқы түріне өз әсерін тигізбей қоймады. Салтанатты Үлкен сарай Петр I заманын еске түсірсе, ал ойын-сауық бекінісі орналасқан Петр паркі бізді Петр Iii-нің балалық шағына жетелейді, Сырғанайтын төбе павильоны мен Қытай сарайы орналасқан Жеке меншік саяжай Екатерина II туралы сыр шертеді.

Императорлардың жазғы резиденциялары тамаша Санктпетербург қаласына баруға тағы бір себеп болады. Оның үстіне, шілде және тамыз айлары Солтүстік Астанаға бару үшін ең қолайлы мезгіл екен.