Неоклассика туралы

Қандай музыканы жігерлі деп есептеуге болады? Шамасы, ол адам жанының дамуына көмектесетін, ішкі дүниемізге азық беретін музыка болса керек. Меніңше, ол эфирден естілетін нәзік ақпарат, ғаламның сезілмейтін тасқыны, материалдық емес, қандай жағдайда да өз мәні мен маңызын сақтайтын қуанышты жеткізетін, қайтарымсыз, таза энергияның қуаты.

Осы мағынада жүрекпен жазылғанның, шын пейілмен адамдарды қуантатын және Тәңірінің бізге жолдаған құпия ішкі ниеті мен ойларын дыбыстандыратындардың барлығы жігерлі музыка болып табылады. Осы құбылыс музыкада да, сондай-ақ адам ісәрекетінің барлық салаларында да кездеседі.

Неоклассика менің жүрегім арқылы өткен рухани ақпаратты адамдарға жеткізудің ең қолайлы тілі болып шықты. Мынаны қадап айтқым келеді, мен оны әуен түрінде қабылдадым және дайындадым, ал әрмен қарай процеске көркемдеушілер мен орындаушылар қатысты, олар да өз кезегінде нәзік энергияны жеткізушілер болып табылады. Неоклассикалық жанрда музыка жазудағы менің барлық іс-әрекеттерім жалпы интуициялық сезімнен шықты. Ол есептелген өмірлік бағдарлама немесе мақсат болған жоқ. Мен ішкі дауыстың, түйсіктің әміріне жүгінемін және бұл ретте осы ұғымдарды сыртқы жағдайлармен діл арқылы байланыстырамын.