Лондондағы концерттер
Қазір мен неоклассика жанрында 70-ке жуық шығарма жаздым. Жазда соларды шығару мен таратуға кірістім. Жалпы, қазіргі заманғы әлемде мұндай музыканы кеңінен танымал ету мүмкін емес сияқты, егер, әрине, ол Тәңірінің ойы болмаса. Бірақ біз не істеуге тиіс болсақ, ақ ниетімізді сақтай отырып, әрқашан соны істеуге тиіспіз. Жағдай былай болды, мен ұйымдастыру және шығармашылық мүмкіндіктерімнің салмақты деңгейіне шықтым, сондықтан оны жай қалдыра салу кешірілмейтін қателік болар еді. Концерт дегеніміз — қайсыбір ізденіс, сынақтама және баспалдақ, мүмкіндіктердің ауқымдарын кеңейтетін және шығармашылық үшін жаңа ынта беретін оқиға. Онымен бірге риза болған
көрермендердің жанды эмоциялары түрінде өзгертілген «кері байланыс» келеді. Бір айта кететін жәйт, соншама жыл эмоциялық қолдаусыз қозғалу өте-мөте қиынға түсті. Ал бұл, сонымен қатар, коммерциялық іс-шара ғой. Концерттерге жұмсалған шығындар өтелетін, билеттер мәжбүрлеп таратылмастан, сатылатын болуы керек. Аудиторияны тарту, кәсіби байланыстарды кеңейту, жаңа тәжірибе алу мақсатымен неоклассика жанрында Лондонда және әлемнің басқа да қалаларында концерттер өткізуге дайындық жүргізіп жатырмын. Стратегиялық міндетіміз — осы аралық концерттерге қатысқандардың бәрі де өнер көрсететін үлкен шоу жасау. Белгіленген концерттер топтамасының жұмыстық атауы — EASTWEST NEOCLASSICS. Лондонның Корольдік филармония оркестрімен, Берлиннің симфониялық оркестрімен және француздық MEZZO телеарнасымен келіссөздер жүргізіліп қойды. Концерттердің бізге мықты мәдени байланыстар, музыкамызды ілгерілету үшін база құру және, ең бастысы, адамдарға жағымды мәдени ақпарат беру түрінде материалдық емес құнды активтер әкелетініне сенемін. Оның үстіне, біз солардың барлығын өзіміздің соңымыздан ілескендер үшін сапалы бейнематериалдар түрінде сақтаймыз. «Біз» дегенде мен жасампаздықтың адам жанын оятатынын, қолдайтынын және көтеретінін түсінетін барлық пікірлестерді меңзеп отырмын. Әрине, осы ниеттердің бәрі белгілі бір қаржылай жәрдеммен іске асады. Менің достарым —
Сауат Мыңбаев, Нұржан Сұбханбердин, Асқар Алшынбаев, Нұржан Бекшенов, Серік Төлбасов, Ғалымжан Есенов және басқалары барлық осы жылдарда шығармашылық жоспарларымды іске асыруда маған қолдау көрсетіп келеді, сол үшін мен достарыма шексіз ризамын.