Орыс дәстүрлері
Егер сіздер Мәскеуге қыстың аяғында барсаңыздар, онда Ресейдегі сағына күтетін және көңілді мерекелердің бірі — Масленицаға тап боласыздар. Масленица — құймақ аптасы, осы кезде уылдырық қосқан құймақты әбден тойғанша жеуге және орыстың ұзаққа созылатын қысының аяқталып келе жатқанын мерекелеуге болады. Бақытымызға қарай, мұнда орыстың тағы бір тамаша дәстүрі бар, ол — моншаға бару. Орыс фольклоры бойынша, осы ыстық моншаның тазартатын буы суық тигенді емдейді, ағзадан уытты заттарды шығарады және иммундық жүйені күшейтеді. Бірақ, басқасын былай қойғанда, моншада қысыр әңгіме айтуға, құмардан шыққанша әңгімелесуге, істерді талқылауға, арақ ішуге болады, әйтсе де, орыс моншасы үшін дәстүрлі сусын шай болып табылады. Сандунов моншасы — Мәскеудегі ең үлкен және сән-салтанатты монша. Ол — Ресей астанасындағы аязды күннен кейін жылыну үшін керемет орын.