«007» жаңа шаңғы жолы
Альпілік шаңғы курорттары 007 агенті туралы фильмдерді түсіру алаңына жиі айналып отырды. Сол сияқты Пиренейдегі француздық Пейрагюд (Peyragudes) тау шаңғысы курорты да 1997 жылғы қаңтар айында Tomorrow Never Dies фильмін түсіру кезінде негізгі орын болды. Курорттағы қазіргі маусымды оның 20 жылдығына арнау ұйғарылды. Айтулы күнге арнайы Балестас әсем ауданында сырғанау мен серуендеуге арналған жаңа жолдары бар, ұзындығы
2,8 км «007» беткейі ашылды. Тақырыптық іс-шаралардың бағдарламасы ашық аспан астында фильмдер көрсетуді, «Мен шаңғыда Джеймс Бонд сияқты сырғанаймын!» ұранымен өткізілетін жарыстарды қамтиды, жергілікті ресторандардың ас мәзіріне тақырыптық тағамдар кіреді. Қашан және қайда: қараша-желтоқсан 2017, Пейрагюд тау шаңғысы курорты, Франция. Толық ақпарат www.n-py.com сайтында.