Тарих

Астанадан екі-ақ қадам жерде тарихқа үңілуге және голландиялық деревняның төл ауасын жұтуға болады. Шағын Зансе-сханс деревнясы қазір ашық аспан астындағы ғажайып мұражайға айналған, онда дәстүрлі қолөнер бұйымдары мен әр түрлі кәсіптер ұсынылған. Деревняға жету қиын емес. Amsterdam Centraalдан пойызбен шамамен 18 минут жүресіздер, билеттің бағасы — 6 еуроға жуық.

Нидерландымен тұрақты астасатын бәз-баяғы диірмендерді де осы арадан көруге болады. Олардың ең ескісі сонау 1607 жылы іске қосылған және, бір ғажабы, осы күнге дейін жұмыс істеп тұр! Ескілікті тәсілмен зығырдан және жержаңғақтан алынған майды кәдесый ретінде өздеріңізбен алып кетсеңіздер, теріс болмайды.

Зансе-сханс деревнясында әйгілі ағаш кебістер — клогилерді қалай жасайтындарын білуге болады. Бір қызығы, сол кебістерді деревняда әлі де киеді! Анығын айтсақ, клоги нидерландықтар үшін — су мен лай балшықтан қорғайтын калош сияқты аяқ киім. Бірақ олардың сәнді, сыйға тартуға лайық түрлері де бар. XXI ғасырда киюге лайық үлгісін де таңдауға болады. Бағалары — 10 еуродан 80 еуроға дейін.