Қайда орналасу керек

Туризм тұрғысынан әлемдегі ең танымал қалалардың біріне орналасу, ашығын айтқанда, қымбат тұратындығына дайын болыңыздар. Орталықтағы шағын және, турасын айтқанда, жұпыны ғана отельдегі бөлменің бір түнгі бағасы — 100-150 еуро, әрі ол кең бөлме де емес. Мұнда баға өсімінің шегі жоқ. Орналасатын жер таңдағанда туристік өмірдің кіндігіне ұмтылмаңыздар, бұл жағдайда сіздер ұйқыдан да, тыныштықтан да айырыласыздар. Айтпақшы, сіздер таң атқанша көңіл көтергілеріңіз және ең шулы орындардан бір-ақ қадам жерде болғыларыңыз келсе, онда Орталық вокзалдың маңайы, Audekerk немесе Рембрандт алаңы көңілдеріңізден шығады. Ал ұйқысын қандырғылары келетіндер осы у-шудан алыстау көшелерді таңдағандары дұрыс. Ескерте кетейік, бағасы жағынан жарытып ұта қоймайсыздар. Амстердам, қайталап айтайын, қымбат қала.