Велосипед
Алайда сіздер осы қаламен «сен» деп сөйлесуді қаласаңыздар және өздеріңізді жергілікті тіршіліктің бір бөлшегі ретінде сезінгілеріңіз келсе, ең дұрысы велосипед жалдау болады. Велосипедтер мұнда барлық жерде бар, кейде өзінің «темір тұлпарын» жағалаудағы орынға «көгендеп» кеткен иесі қайтып келгенде оны дәл сондай жүздеген көліктердің ішінен сағаттар бойы іздеп, әуре болады. Велосипедтерді жалдау — тәулігіне 15 еуро шамасында.
Ал енді ең соңғы кеңесіміз: Амстердамға сенім артыңыздар, онымен өз тілінде сөйлесуге тырысыңыздар, сонда көп ұзамай осы қаланың сіздердің достарыңызға айналғанына және орналасуларыңызға, таңдауларыңызға, білулеріңізге және көңіл көтерулеріңізге өзі көмектесетініне көздеріңіз жетеді.