Панчакарма арқылы тазалау
Осы жүйенің дәрігерлері пациенттерге емді әрдайым панчакармадан — ағзаны мұқият тазалаудан бастауды ұсынады. Панчакарма аурудың симптомдарымен күреспейді, ол аурудың асқынуына себеп болатын факторларды жоюға бағытталады. Бұл — жасарудың және энергетикалық каналдарды тазалаудың өте кең тараған процедурасы. Өздерінің денсаулықтарына қарайтын аюрведа ұстанушылары әр маусымда сауығудың осы әдісін қолданады. Панчакарма адамның денесі мен ағзасын жыл мезгілдері ауыса салысымен басталатын ішкі өзгерістерге дайындайды деп саналады.
Бұл процедуралар каналдарды уыттан тазалап, біздің айналамыздағы адамдармен және жалпы табиғатпен табиғи байланысымызды қалпына келтіруге септігін тигізеді.
Аюрведаның отаны болып саналатын Кераладағы ең жақсы аюрведалық курорттардың бірі — Марари жағалауында орналасқан Xandari Pearl курортының дәрігері тағайындаған тазалау бағдарламасы мен арнайы диетадан кейін сіздер өздеріңізді анадан қайта туылғандай сезінесіздер. Жеңілдеп, сергіп, шаттанып, денсаулықтарыңыз нығайып қалады және өмірге құштарлық сезімі пайда болады. Аюрведалық сауықтыру жүйесі қазіргі заманғы уытты ауадан, қаланың улы түтінінен шаршаған ағзаны сиқырлы түрде тазалайды. Бұл ретте ағза уыттар мен зиянды қалдықтардан тіпті жасушалық деңгейде тазаланады да, ағзадағы дұрыс теңгерімді қалпына келтіруге көмектеседі. Сіздер қатты шаршауды, әлсіздік пен өмірден торығуды ұзақ уақытқа ұмытып кетесіздер.
Жалпы адамның ағзасы әуел бастан денсаулыққа бағдарламаланған, онда өздігінен тазару мен сауығуға қажетті жүйелердің бәрі де бар. Біз өмір сүріп жатқан әлемдегі күйзелістер шыдауға болатыннан гөрі әлдеқайда көп. Бұған аз қозғалып, көп отыруды қажет ететін өмір салтын, виртуалды нақтылықпен жиі араласуды, дұрыс тамақтанбауды, консервіленген азық-түлік пен қалалардағы лас ауаны қосыңыздар. Міне, сондықтан да бізді тіршілікпен қамтамасыз ететін мінсіз жүйелеріміз бұзылады, өте көп уыттар мен зиянды қалдықтар ағзаның қан тамырлары мен жасушаларын жарықтың жылдамдығымен бітеп тастайды. Содан біз қайтадан мейірімді де тамаша, көне Үндістанға денсаулығымызды түзетуге барамыз.