Женя Гейн, блогер. Владимир Гейн, бизнесмен
Үлкен алма қаласына келгенімізде, ең алдымен түсінгеніміз — мұнда бәрі біздер көріп өскен фильмдердегідей екен! Нью-йорк дәулетті, бай және әдемі, өзінің ырғағымен ол бізді жақсы мағынада аяғымыздан сүріндіре жаздады, мұнда қымбат отельдің жылы төсегінде созылып жату ойыңызға да келмейді, әр күні бізді ол өзін зерттеп-зерделеуге шақырып отырды. Барлық тегін мұражайлар мен көз тартарлық орындарын аралап шығуға бір айдың өзі жетпейді, бізге сеніңіздер! Алайда бізге әлемдегі ең үлкен метро көмектесті. Алғашқы күндері қыдырып жүріп, кішкентай балалар сияқты, бәріне таңдандық, ұзыннан-ұзақ авенюлер мен қысқа көшелерде оп-оңай бағдар тауып отырдық. Жоғарғы Ист-сайд — үйлерінің сұлулығымен, ал төменгі Манхэттен Уолл-стриттің сән-салтанатымен таңдандырды, байлар мұнда тікұшақпен ұшады, аспанда тікұшақтар өте көп болды.
Өзін сыйлайтын әр саяхатшы жаңа қалада базарға, вокзалға, ресторан мен шолу нүктесіне баруы тиіс деп айтады. Орталық парк орасан үлкен, ол бәрінен де Рокфеллерлер орталығындағы шолу алаңынан жақсы көрінеді: тас джунглидегі үлкен, табиғи, әдемі жоспарланған жасыл желектер тікбұрышы, онда аңдар мен құстар өте көп. Нью-йорктіктер өз қалаларын естен тана жақсы көреді, осы сүйіспеншілікті барлық жерден және бәрінен көруге болады.